Сыр бойы

Арал ауданының құрметті азаматы, ардагер-журналист Шәкірат Дәрмағамбетовтің 90 жылдық мерейтойына арналған салтанатты кеш өтті.

Аудандық мәдениет үйінің фойесіндегі әрбір кезең шын­ды­ғын жарқ еткізген мақа­лалары мен тарихи сәттерден сыр шертетін фотосуреттер келу­шілер назарын аударды. Мазмұнды кештің беташарындай болған слайдтан замандас­тары мен ізбасар інілерінің өзекжарды лебізін тыңдаған жұрт бір серпіліп қалды.

Мерекелік шарада аудан әкімі М.Оразбаев:

– Абыз ақсақалдың 90 жасқа толуына орай ұйымдастырылған шараның тағылымдық мәні зор. Көптің көкейіндегісін дөп басқан жазбаларымен халықтың ықыласына бөленіп, үлкенге аға, кішіге ақылшы болған ардақты азаматтың өмір жолы көпке өнеге, – деді.

Одан соң, ауданның әлеу­меттік-экономикалық дамуы­на қосқан үлесі үшін ардагер журналисті Арал ауданының Құрмет грамотасымен марапаттады. Қызылорда қала­лық ардагерлер кеңесінің төр­ағасы С.Әбішев қала әкімі Н.Нәлібаевтың құттықтауы мен сый-сияпатын, 30 мыңға жуық ардагердің атынан құттықтау хатын табыс етті. Сондай-ақ, Қазалы ауданы ардагерлер кеңесінің төрағасы О.Бекбанов:

– Құрметтің зоры – халықтың ықыласына бөлену. Арал мен Қазалының ортасын жол қылып, қос ауданның мақтанышы бол­дыңыз. Өмірлік өнегеңізді жас­тарға көрсете беріңіз, – деп, Қазалы ауданының әкімі М.Ер­геш­баевтың құттықтауын жет­кізді.

Ал, Арал ауданының құр­метті азаматы А.Көшербаев журналист мақалалары бойынша бір үзік естелік сыр шертті. Сондай-ақ, облыстық мәслихат депутаттары И.Оңғарбаев пен К.Бедер лебіздерін білдірді. «Сыр медиа» ЖШС бас директоры А.Оңғарбаев ардагер-журналист туралы об­лыстық басылымдарда жыл бойы мазмұнды мақалалар жария­ланғанын, болмысымен, ірі сөзімен елдің құрметіне бө­ленген қаламгердің абыройлы жолы кейінгі толқынға үлгі екенін жеткізді. Мерейтой иесіне Қазақстан Журналистер одағы облыстық филиалы мен «Сыр медиа» ЖШС атынан құттықтау хат пен сый-сияпат тапсырды. Мерейтойлық шарада қаламдас інілері, жазушы А.Сәдібеков журналистің өзіндік стилі туралы ой толғаса, ақын Т.Абы­лаевтың мазмұнды жыры жи­налған қауымды бір серпілтті. Сонымен бірге, қа­ламгер ҚР Инвестициялар және даму министрлігінің құрылыс және тұрғын үй-коммуналдық шаруашылық істері комитетінің төрағасы М.Жайымбетовтың, Жалаң­төс баһадүр атындағы рес­пуб­ликалық қор төрағасы Н.Мұса­баевтың және жазушы С.Жұ­батырұлының құттық­тауын қабыл алды.

Мерейтойлық шараның мә­нін М.Сыдықовтың әндері мен күйлері, А.Тұяқованың арнау жыры, жас өнерпаздардың ән­дері аша түсті.