Сыр бойы

  Тіршілігі төрт түлікпен тығыз байланысты қазақтың ұлттық ойындары да мал шаруашылығына қатысты болған. Соның бірі – бастауын көне замандардан алатын асық ойыны. Оның еңбектеген баладан, еңкейген кәріге дейін ойнайтын түрлері болған.

Баланы жастайынан шыңдап, дәлдікке, ұстамдылыққа тәрбие­лейтін асық ойынын қайта жан­дандыру мақсатында қала ор­талығында облыс асық ату турнирі өтті. Облыстық де­не шынықтыру және спорт бас­қармасы, «Чернобыль» ар­дагерлері қоғамы, «Асық ату» қо­ғамдық бірлестігінің облыс­тық филиалы және «Қолөнер» ұлттық нақыш орталығы бір­лесе ұйымдастыруымен өткізіл­ген турнир Астананың 20, Қы­­зылорда қаласының 200 жыл­дығына арналып отыр. Шарада «Рухани жаңғыру» орта­лығының бөлім басшысы С.Қо­санов, облыстық «Чернобыль» ар­дагерлері ұйымының төрағасы С.Сәндібеков және «Асық ату» қоғамдық бірлестігінің об­лыстық филиалы төрағасы Ж.Ба­зартай ұлттық ойынның ма­ңызы жайлы айтып, жарысқа қатысушыларға сәттілік тіледі.

Алғаш рет ұйымдастырылған сайыста Қызылорда қаласы мен барлық аудан орталығынан жи­налған командалар бақ сынасты. Дәлдік пен мергендікті талап ететін ұлттық ойында Аралдан келген команда ерекше көзге түсіп, бас жүлдені қанжығасына байлады. Жүлделі екінші және үшінші орындарды қалалық командалар өзара бөлісті. «Ұшқын Қызылорда» ЖШС мүгедектерге арналған оқу-өндірістік кәсіпорын бас­шы­сы Бақыт Жұмашев пен «Медиа Жұлдыз» медиа орта­лы­ғы­ның директоры Ақгүл Әб­дірәсілқызы демеушілік еткен турнирде жүлдегерлер мен бар­лық қатысушылар арнайы сыйлықпен марапатталды.