Сыр бойы

Өңірде "Zhas project"  жастар корпусын дамыту жобасы бойынша көптеген әлеуметтік жобалар іске асырылуда. Соның бірі -  "Smile" кондитерлік орталығының жобасы. Оның басты мақсаты - жұмыссыздық деңгейін азайту, "Кәсіп ашып, нәсіп табамын" деушілердің арманына қанат бітіру.

Жаңашыл жобаның көшбасшысы Жадыра Жұмаеваның айтуынша, батыл бастаманың басы-қасынан "Кәусар" мамандар орталығы" қоғамдық бірлестігі мен "Жастар ресурстық орталығы" КММ табылған. Ақпараттандыру жұмысы да жүйелі жүргізіліп келеді. Қазір жобаға қатысуға ынталы  40-қа жуық адамның тізімі жасалды. Алдағы уақытта олар арнайы маманның дәрісін тыңдап,  шеберлік сағаттары барысында көрген-білгенін практика жүзінде жүзеге асырады. Дайындаған өнімдерінен жәрмеңке өткізу де жоспарланып отыр.