Сыр бойы

Ауданда 2017 жылы 5 мектептің құрылысы жүргізілсе, жекеменшік-мемлекеттік әріптестік аясында Ақжол, Еңбек елді мекенінде дәрігерлік бекет,  Қандөз ауылында әкімшілік ғимараты пайдалануға берілді. Аққорған ауылдық округінде дене шынықтыру-сауықтыру кешені, 140 орындық балабақшаның құрылыс жобалары мен 2017 жылы аудандық бюджеттен бөлінген 1,5 млн. теңгеге Екпінді, Қожамберді, Жаңарық ауылдарынан салынатын әкімшілік ғимараттарының құрылысын аяқтау және 2018 жылы пайдалануға беру жоспарланған.

Жергілікті бюджеттен бөлінген қаржыға Саяжай аумағынан 600 орындық, МАИ бекеті аумағынан 600 орындық, кент орталығынан 600 орындық №169 мектептің және Ипподром аумағынан 300 орындық мектептің және Жаңақорған кентінің Ипподром аумағынан салынатын 140 орындық, Бірлік ауылынан 90 орындық балабақшаның құрылыстарын жүргізу үшін жоба-сметалық құжаттары әзірленді. Облыста аудандар арасында бірінші болып көп қабатты 15 тұрғын үй құрылысын салуды бастап, оның үш қабатты бір тұрғын үйі пайдалануға беруге дайын.