Сыр бойы

Бүгін атмосфералық фронттардың өтуіне байланысты Қазақстанның басым бөлігінде жауын-шашын жауады, тек батыс, оңтүстік-батыс және оңтүстік-шығыста ауа райы жауын-шашынсыз, деп хабарлайды Baq.kz ақпарат агенттігі Қазгидрометтің баспасөз қызметіне сілтеме жасап.

Республиканың кей жерлерінде жел күшейіп, тұман, көктайғақ, бұрқасын болады.

Солтүстік Қазақстан, Ақмола облыстарында желдің күшеюі 15-20 м/с, кей жерлерде екпіні 23-28 м/с жетеді, кей жерлерінде тұман, көктайғақ, бұрқасын болуы мүмкін.

Қостанай облысында желдің күшеюі 17-22 м/с, кей жерлерде тұман, көктайғақ, бұрқасын болады.

Павлодар облысында бұрқасын болып, Қарағанды облысының кей жерлерінде тұман, көктайғақ, жел 15-20 м/с жетеді.

Маңғыстау, Атырау, Батыс Қазақстан, Ақтөбе, Шығыс Қазақстан облыстарының кей жерлерінде тұман түседі.

Жамбыл облысының кей жерлерінде тұман, күндіз желдің күшеюі 15-20 м/с жетеді.

Қызылорда облысында тұман, жел 15-20 м/с болады.

Оңтүстік Қазақстан облысында таңертең және күндіз кей жерлерінде жел 15-20 м/с күшейеді.