Сыр бойы

29 қыркүйекке «Байқоңыр» ғарыш айлағынан «Протон-М» зымыран тасығыштың ұшырылуы жоспарланған, деп хабарлайды Baq.kz ақпарат агенттігі.

29 қыркүйекте Астана уақыты бойынша сағат 00:52-де «Байқоңыр» ғарыш айлағынан ауыр класты «Протон-М» зымыран тасығыш пен «АзиаСат-9» ғарыш аппаратын ұшыру жоспарланып отыр.

«Бриз-М» үдеткіш блогы бар «Протон-М» зымыран тасығыштың ұшыруы «Байқоңыр» ғарыш айлағының 200 алаңынан №39 ұшыру қондырғысынан жүзеге асырылатын болады.

«АзиаСат-9» телекоммуникациялық серігі «Asiasat» (Гонконг) компанияның тапсырысы бойынша «SpaceSystemsLoral» (АҚШ) фирмамен жасалынды. Ғарыштық аппарат Азия-Тынық мұхит аймағының аумағында теледидар және телекоммуникациялық саласында қызметтерді көрсету үшін арналған.

Естеріңізге сала кетейік, Ғарыш аппараттарын ұшырудың бекітілген жоспарына сәйкес «Байқоңыр» ғарыш айлағынан осы жылы 12 қыркүйекте «Амазонас-5» ғарыштық аппараты бар «Протон-М» зымыран тасығыштың ұшыруы, ал 13 қыркүйекте «Союз МС-06» транспорттық басқарылатын кемесі бар «Союз-ФГ» зымыран тасығыштың ұшыруы сәтті өткен болатын.

Ескерту!

Baq.kz сайтында жарияланған авторлық материалдардың барлық құқықтары қорғалған және ақпарат агенттігінің меншігі болып табылады. Көшіріп басу редакцияның рұқсатымен жүзеге асады. Материалды көшіріп басу кезінде Baq.kz сайтына төте сілтеме көрсету талап етіледі.