Сыр бойы

2017 жылдың 12-16 күндері аралығында қоғамдық тәртіпті сақтау, жол қозғалысы қауіпсіздігін қамтамасыз ету, жол-көлік оқиғаларын болдырмау, жол қозғалысы ережелерін өрескел бұзу деректерінің алдын алу мақсатында облыс көлемінде «Қауіпсіз жол» жедел-профилактикалық іс-шарасы жүргізілді.

Шараның 5 күнінде жол қозғалысы қауіпсіздігін бұзудың барлығы 2032 дерегі тіркелді. Оның ішінде, көлік құралын мас күйінде басқару бойынша (ҚР ӘҚБтК-нің 608-бабы бойынша) – 41, көлік құралын басқару кезінде телефонды немесе радиостанцияны пайдалану бойынша (ҚР ӘҚБтК-нің 591-бабы) - 356, белгіленген жүру жылдамдығын шамадан тыс арттыру бойынша (ҚР ӘҚБтК-нің 592-бабы) – 272, қауіпсіздік белдігін тақпау бойынша (ҚР ӘҚБтК-нің 593-бабы, 1-бөлігі) – 668, маневр жасау қағидаларын бұзу бойынша (ҚР ӘҚБтК-нің 595-бабы) – 80, жүргіншілерге немесе жол жүрісінің өзге де қатысушыларының жүруіне басымдық бермеу бойынша (ҚР ӘҚБтК-нің 600-бабы) – 30, басқару құқығы жоқ адамның көлік құралын басқаруы бойынша (ҚР ӘҚБтК-нің 612-бабы, 1-бөлігі) – 119, жаяу жүргіншілердің жол қозғалысы ережесін бұзуы бойынша (ҚР ӘҚБтК-нің 615-бабы) – 96 құқық бұзушылық анықталды.

Сонымен қатар, шара барысында жол жүрісі ережесін бұзған 31 қоғамдық автокөлік жүргізушілері әкімшілік жауапкершілікке тартылды.

Қызылорда ОІІД баспасөз қызметі