| « Маусым 2025 » | ||||||
|---|---|---|---|---|---|---|
| Дс | Сс | Ср | Бс | Жм | Сб | Жс |
| 1 | ||||||
| 2 | 3 | 4 | 5 | 6 | 7 | 8 |
| 9 | 10 | 11 | 12 | 13 | 14 | 15 |
| 16 | 17 | 18 | 19 | 20 | 21 | 22 |
| 23 | 24 | 25 | 26 | 27 | 28 | 29 |
| 30 | ||||||
Жаңа номер
- 10 Маусым 2025 жыл
- : :
syrboyi@yandex.kz
+7 (7242) 40-02-17
ЭКСПО БИЛЕТТЕРІ РЕСЕЙДЕ САТЫЛУДА
Еліміздің өңірлері мен Ресей Федерациясының ірі қалаларында ЭКСПО-2017 халықаралық маман¬дандырылған көрмесіне билеттер сатыла бастады. Өткен жылдың желтоқсан айында елордадағы «Керуен», «Хан Шатыр», «MEGA Park», «MEGA Центр Алматы» ойын-сауық орталықтарында және одан ертерек 15 «Меломан» сауда желісінде, сондай-ақ, «Қазпошта» АҚ 981 бөлімшесінде ресми түрде билет сатыла бастаған еді. Ал ағымдағы жылдың наурыз айынан бастап Қазақстанның барлық облыс орталықтарында 17 ресми билет сату кассалары ашылды. Айта кетейік, көрменің ашылуына тура бір жыл қалғанда – 2016 жылдың 10 маусымынан бастап билеттердің онлайн-сатылымы басталған болатын. Енді көрмеге келуге ниет танытқандардың барлығы билеттерді тек онлайн тапсырыспен ғана емес, еліміздің барлық өңірлерінде кассалар арқылы сатып ала алады. Естеріңізге сала кетейік, жұмыс күндеріне белгілі дата қойылған билеттер құны – 4000 теңге, демалыс күндеріне – 6000 теңге. Ал, белгілі датасы қойылмаған билеттер құны 2000 теңгеге қымбат. Студенттер, мектеп оқушылары, зейнеткерлер, көпбалалы аналар ЭКСПО-2017 көрмесіне билеттерді 50 пайыздық жеңілдікпен алса, Ұлы Отан соғысының ардагерлері, алты жасқа дейінгі балалар, жетім балалар мен кез келген топтағы мүгедектігі бар жеңілдік қарастырылған топтағы Қазақстан азаматтары көрмеге тегін кіре алады. Мұндай жеңілдік қарастырылған билеттерді тек көрме барысында, көрмеге келетін күні, көрме кіреберісінде орналасқан кассалардан жеке куәлік пен жеңілдік қарастырылғанын растайтын құжатты көрсету арқылы алуға болады.
«Біз Ресей Федерациясының бірқатар өңірлерінде ЭКСПО-2017 ресми кассаларын аштық. Мәскеудегі касса РФ астанасының орталығында, Лубянкада, Орталық балалар дүкенінде орналасқан болса, Петерборда Гороховой көш., 6 мекен-жайы бойынша Кассир Ру ғимаратында орналасқан. Сондай-ақ, Қазан (Казань), Төменгі Новгород (Нижний Новгород), Екатеринбург, Новосібір (Новосибирск), Сочи қалаларында ірі сауда орталықтарында да кассалар ашылды. Одан өзге Ресейдің ірі қалаларында ЭКСПО-2017 көрмесіне арналған билет сататын 38 нүкте ашылды», – деп атап өтті брифинг барысында «Астана ЭКСПО-2017» ҰК» АҚ Коммерциялау департаментінің директоры Дәулет Еркімбаев.
Естеріңізге сала кетейік, Халықаралық мамандандырылған көрмесі Астана қаласында 2017 жылдың 10 маусымынан бастап 10 қыркүйекке дейін жалғасады. Көрмеге 5 миллионға жуық адам келеді деп күтілуде.
Едел-Жедел
12 мамыр 2020 г.
2 357
0
12 мамыр 2020 г.
2 145
0
12 мамыр 2020 г.
1 821
0
12 мамыр 2020 г.
1 973
0
12 мамыр 2020 г.
2 073
0
12 мамыр 2020 г.
1 810
0
12 мамыр 2020 г.
2 272
0
12 мамыр 2020 г.
1 844
0
12 мамыр 2020 г.
1 830
0
12 мамыр 2020 г.
1 951
0
Күнтізбе
© 2019. Құқығымыз толыққанды қорғалған. Материалдарды пайдаланған жағдайда сайтқа және авторға сілтеме жасау міндетті.
Меншік иесі: «Сыр медиа» жауапкершілігі шектеулі серіктестігі.
Облыстық «Сыр бойы» газеті редакциясы.