Сыр бойы

Бүгін – сонау Франция елінен бастау алған Ақымақтар, Жапония мемлекетінде Қуыршақтар ал Қазақстанда Күлкі күні.

1 сәуірді кейбіреулер Алдар көсенің туған күні деп те атайды. Алайда бұл күн елімізде атаулы мереке ретінде аталып өтпесе де, халық арасында бір-бірімен әзілдесіп, қалжыңдасып, жанындағы серігіне күлкі сыйлап, көңіл көтерумен өтеді. Яғни бұл – қалай болғанда да жақын жандарыңның жүзіне қуаныш ұялататын күн.

Осы орайда күлкінің адам өміріне пайдасы туралы айтсақ:

* Күлген кезде адам бойындағы қан тамырлары кеңейіп, қысым азаяды. Яғни жүрек ауруына шалдығыу қаупі төмендейді.

* Бұлшық еттері сергіп, қан айналымы жақсарып, тері өңі тәуірленеді.

* Өкпе жұмыс істегенде, қан құрамындағы оттек көбейеді.

* Ағзада күлу процесі жүріп жатқанда вирус, бактериялармен күресетін элементтер бөлінеді.

* Бір минуттық күлкі фитнестегі 25 минуттық жаттығумен тең.

* Қатты күлгенде қанда иендорфин пайда болып, ауырған жердің сыздағанын басып, бастың сақинасы мен жауырын құрысуын әлсіретеді.

* Адам миының сол жақ жартысының жұмысын жақсартады.

* Бетке массаж жасап, тынысты кеңейтеді.

* Көзден жас аққанша күлу күйзелісті жеңеді. Көз жасымен бірге күйзеліс гормондарының құрамына кіретін заттар сыртқа шығады.

Демек күлкінің адам өміріне тигізер пайдасы көп. Сондықтан әр таңда күліп ояныңыз!