Сыр бойы

Жыл сайын бүкіл әлемде 1 қазан Халықаралық қарттар күні мерекеленеді. Мереке қарсаңында Қызылорда облысы ТЖД Өрт сөндіру және авариялық-құтқару жұмыстары қызметі №1 мамандандырылған өрт сөндіру бөлімінің қызметкерлері Әбдіуәли Мұсаевпен кездесіп, ардагерді қарттар күнімен құттықтады.

Ардагер жас өрт сөндірушілердің назар аударғанына өте риза болды және өртке қарсы бөлімдегі 36 жылдық қызметі туралы айтып берді. 1965 жылы 1 сәуірінде 24 жастағы Мұсаев Әбдіуәли Қызылорда қаласы өрт сөндіру командасына өрт сөндірушісі болып қызметке келді. Екі жылдан кейін ол бөлімше командирі болып тағайындалды. 1975 жылы ол қарауыл бастығы болып жұмыс істей бастады. Екі жылдан кейін ол өрт сөндіру бөлімінің бастығының орынбасары болды. Осылайша ол өрт сөндіру бөлімінің бастығына дейін қызмет атқарды. Қызметтің айтарлықтай уақыт кезеңінде оның есебінде ондаған адамдардың өмірі құтқарылды.

2001 жылы құрметті еңбек демалысына шыққаннан кейін ол өртке қарсы қызметте тағы 7 жыл жұмыс істеді.

Әңгіме барысында Мұсаев Әбдіуәли қонақтарға сол уақыттағы өрт сөндірушілердің киімдері мен жабдықтары туралы әңгімелеп берді. Жастық шағында ардагер суретке түсіруге әуес болды. Ол мақтанышпен қара-ақ фотосуреттерді көрсетті, онда өртке қарсы қызметінің қызметкерлері бейнеленген болатын. Жылы үй жағдайында өрт сөндірушілер сол жылғы өрт бөлімінің жалғыз фотосуретін көре алды. Өрт сөндіру қызметіндегі 43 жыл бойы онымен бірге бірнеше ұрпақ өсті. Кездесу пайдалы болды және өрт сөндірушілердің танымдылық деңгейін арттыруға септігі тиді.

Әбдіуәли аға қызметкерлерге денсаулық, табыс пен жұмыста жаңа жетістіктер, қуанышты мерекелер мен күнделікті қауіпсіз өмірді тіледі. Өз кезегінде азаматтық қорғау қызметкерлері денсаулық пен құт-береке тілеп, сондай-ақ дәстүр бойынша Қызылорда күріш пакетін және шайға арналған тәттілерді тапсырды.

Қызылорда облысы ТЖД Өрт сөндіру және авариялық құтқару жұмыстары қызметі