Сыр бойы

Қасиетті Құрбан айт мерекесімен баршаңызды шын жүректен құттықтаймын!

Бұл мейрам – ұлт пен ұлысты ұйыстыратын рухани құндылықтардың бірі. Осы қасиетті күні көпшілік бір-біріне ақжарма тілек арнап, өткен реніштерін кешіреді.

Ұлт Көшбасшысы Нұрсұлтан Әбішұлы Назарбаевтың «Түбіміз – түрік, дініміз – Ислам, кітабымыз – Құран» деген сөзі бүгінде нақылға айналды. Осылайша еліміз егемендік алғалы үзілгеніміз жалғанып, өшкеніміз қайта жанданды.

Бес парыздың бірі – қажылықпен тұспа-тұс келетін қасиетті айт мейрамының орны ерекше. Құрбан айт – кеңпейілділік пен жомарттықтың, бауырмалдық пен қайырымдылықтың мерекесі.

Ендеше баршаңыздың ниет етіп шалған құрбандықтарыңыз, құлшылық еткен дұғаларыңыз бен тілектеріңіз қабыл болсын!

Құрбан айт мүбарак болсын!

Қызылорда облысының әкімі Қ.Көшербаев.