Сыр бойы

 ...Маңдайдан суық тер бұрқ етті. Әр секунд сағатқа, тіпті тәулікке теңдессіз еді. Қапелімде қылмыскердің қаруы өзіне кезеледі деп ойламады. Бірер сәтте дереу шешім қабылдау керек болды. Жан екпінмен ұрыстың жетік айла-тәсілін қолданып, қолын қайырды да кісендеп тастады. Сонадайда қарсыластың қолынан ұшқан суық қаруға бір сәт ойланып қарады. Мүлт кетсе, түбіне жететін де сол еді...

Осыдан біраз жыл бұрын ҚР ҰҚК облыс бойынша шекара қызметі депар­та­ментінің де­санттық шабуылдау заста­ва­сының бастығы Айдын Есенбаев пен застава қыз­меткерлері 30 мың түп есірткі алқабын тапқан еді. Сол кезеңдегі жігіттердің ерлігі мен жанкештілігін тұтас Қазақ­стандағы әріптестері мақ­та­нышпен айтып жүрді. Иә, қызылордалық сарбаздар әлі де сол тұғырдан түскен жоқ. Күні бүгінге дейін заңсыз есірткі айналымының, қару-жарақ, адам, радиоактивті заттардың заңсыз тасымалдануының жо­лын кесіп келеді. Әлбетте, шекара шебіндегі ерлікке пара-пар не бар дейсіз?! Тіпті алты ай бойына бір күн демалыссыз мем­лекеттің шекарасын күзе­теді. Қажет болғанда бар бол­ға­ны екі сағатта сақадай сай тұрады.

– Біздің жігіттердің еңбегін көз­бен көрмесе, сөзбен айтып жеткізу қиын. Шекара сызығы табиғаты қолайсыздау, шөлді, шө­лейтті аймақтарда ор­на­­­ласқан. Олар жоспарлы, жос­парсыз тексерудің тала­йын­да заңбұзушылықтарды анық­­­тап жүр. Мемлекеттік құ­­­пия болғандықтан көпші­лі­гін ел біле бермейді. Ал екі 

мау­сымда осында Отан ал­дын­дағы борышын өтеуге келген жастардың ішінен ең мық­тыларын іріктеп аламыз. Оларды әкеле сала бірнеше сатылы тексеруден өткізіп, на­ғыз сайыпқыран сарбаз етеміз. Ұрпақты әскери тәртіпке бау­­­лып, елдің айбынын арт­ты­рар азамат ету – біз секілді аға ұрпақтың міндеті, – дейді де­санттық шабуылдау заста­ва­сы­ның бастығы Айдын Есенбаев.

Айдын Таңатұлы туған жері – Алматы болса да, қыз­мет­те өскен жерім – Қы­зы­л­орда өңірі дейді. ҚР Қа­ру­лы 

күштерінің І, ІІ, ІІІ дәрежелі «Мінсіз қызметі үшін», «Ұлт­тық қауіпсіздік қалқаны» медаль­дары мен І, ІІ дәрежелі «Шекара қызметінің үздігі» төсбелгілерімен марапатталған. Департамент 2019 жылы облыс әкімінің жүлдесі үшін өтетін спартакиаданы жеңіп алған. Қазақтың қаһарман ұлдарын жиған әскерилер ордасында бұдан да көп жетістіктер бар.

– Біздің міндетіміз – шека­раны қорғау. Заңсыз өтетін тасы­малдарды дер кезінде құрықтау. Міндет межесінен шығып жүрміз. Жігіттердің рухани тәрбиесі мықты болуы керек. Еңбекке ерте араластырып, отаншылдық сезімін ояту керек. Елдегі әрбір жағдайға бейжай қалмайтын, өзгенің басындағы қуаныш пен қайғыны өзінің басындағыдай түсінетін тұлға­лар дайындауымыз керек. Кейде «әттеген-айларымыз» бар. Жаңа заманда қол ең­бегі

азайып келеді. Ал Қазақ­станды қорғайтын ер азамат­тар. Олардың физикалық дайын­дығына баса мән беруіміз керек. Сол себепті, Отанымыздың қорғау­шыларын отбасынан бас­тап тәрбиелеген жөн, – дейді А.Есенбаев.

Департамент қызметкерлері, оған қоса сарбаздар әрдайым оқу-жаттығу үстінде жүреді. Ату дайындығы, шекаралық ше­берлік, тактикалық дайын­дық­тар қашан да назарда бола­ды. Ал арнайы еңбек сабағы ұмыт қалдырылған емес. Өйт­ке­ні, адамды тәрбиелейтін – еңбек 

– «Ат тұяғын тай басар» де­ген қазақпыз. Ертең біздің орнымызды кейінгі жас сар­баз­дар басады. Олардың бізді жерге қаратпай жүруі өзі­міз­ге байланысты. Біз ал­дыңғы ке­­зекте өзімізден бас­тап тәр­бие­­лейміз. Олардың сайып­қы­ран болуына тікелей біз жа­­уап­­тымыз, – дейді Айдын Таңатұлы.

Мемлекеттің ең маңызды бірнеше элементі болады. 

Солардың қатарында шекара да бар. Ал шегенделген шебіміз қаншалықты берік болса, елдігіміз де соншалықты нық болмақ. Күннің ыстық-суығы мен боран-дауылына қарамай міз бақпастан, кірпік қақпастан олар елді қорғап жүр. Ендеше, отан қорғаушы азаматтарға құрмет те толастамасы анық.

Дәулет ҚЫРДАН,

«Сыр бойы».