Сыр бойы

"Облыстық аргерлер кеңесі белсенді жұмыс істеуде. Өңірде 723 бастауыш ұйым бар. Аталған ұйымдарға 74 мыңға жуық ардагер мүше. Қазіргідей төтенше жағдай кезеңінде әрқайсымен телефон арқылы байланысып, жағдайларын біліп отырмыз», - деді Серік Дүйсенбаев.

Аймақ басшысы коронавирус індетінің өршуіне байланысты ардагерлердің үйде отыруы маңызды екенін атап өтті.

"Жаңа қызметімді үлкендеріміздің ақ батасын алып бастасам деймін. Біз қай заманда да үлкенін сыйлап, құрметтей білген халықпыз. Содан да болар бізде атадан балаға жалғасқан ұрпақтар сабақтастығы берік қалыптасқан. Өкінішке қарай, қариялармен жүзбе-жүз кездесіп, пікірлесудің сәті түспей келеді. Алайда вирусты жеңгеннен кейін арнайы кездесу ұйымдастырамыз. Елді мекендерді аралаған кезде де арнайы жүздесетін боламын. Дәл қазір үйден шықпай, денсаулықтарын сақтағаны жөн. Ардагерлерімізге сәлемімді жеткізсеңіз», - деді облыс әкімі Гүлшара Әбдіқалықова.

Кездесу соңында кеңес төрағасы аймақ басшысының қызметіне сәттілік тілеп, облыстың дамуы мен ішкі ахуал тұрақтылығын сақтауға бағытталған тың бастамаларға қолдау көрсететінін жеткізді.