Сыр бойы

Ардақты аналар, қадірлі қыз-келіншектер!

Сіздерді ерке көктемнің көркем мерекесі – Халықаралық әйелдер күнімен шын жүректен құттықтаймын!

Әдеміліктің символы болған әйел-Ана – әлемнің тірегі.

«Ана бір қолымен бесікті тербетсе, екін­­ші қо­лы­мен әлем­­ді тер­бе­теді» деген ұла­ғатты сөз бе­кер­ге айтыл­маса керек.

Жер бетіндегі жақсылық, ізгілік, қайырымдылық атау­лының бәрі де ананың ақ сүтінен тарайды. Расында, жер бетіндегі тіршілік атаулы Сіздерден бастау алып, отбасының берекесі, ұлт болашағы – ұрпақ тәрбиешісі болып отырсыздар.

Ел басқарған көсем де, сөз бастаған шешен де, қол бастаған батыр да Анадан туған. Ана – шексіз махаббат пен мейірімге, нәзіктік пен шапағатқа толы Біртұтас Алып Әлем.

Біздің аналар мен арулар – тек отбасының ұйытқысы ғана емес, олар бүкіл қоғамды алға сүйрейтін, елдің бірлігін күшейтетін, берекесін молай­татын аса қуат­ты қозғаушы күш. Сыр елінің сан са­лалы әлеуметтік-эко­но­микалық өмірі мен мем­лекеттік саясаттың барлық саласында бел­сенді қызмет етіп жүрген әйел­дер – соның дәлелі.

Бүгінгі таңда біздің нәзік­жандылар бесік тербетіп ғана қоймай, жаңа­лықтар ашып, ұрпақ тәрбиелеуге, қоғамдық жұ­мыс жүргізуге, бизнеспен ай­на­лысуға және кез келген салада көшбасшы болуға да үлгеріп жүр деп сеніммен айта аламыз. Бұған көптеген мысалдар бар.

Сондықтан да ардақты да аяулы жандарға деген құр­метіміз шексіз бола бермек.

Шұғылалы көк­темнің шуақты мере­кесінде Сіздерге бақыт пен махаббат, еңбек­теріңізге табыс, ден­деріңізге саулық және отбасыларыңызға бақ-береке тілеймін.

Мерекелеріңіз құтты болсын!