Сыр бойы

Бүгін Нұр-Сұлтан қаласында республикалық «Жомарт жүрек» сыйлығының лауреаттары марапатталды.

Шараның ережесіне сай өңірде үздік деп танылған 40 үміткер алдымен байқаудың облыстық кезеңіне ұсынылды. Оның қорытындысымен 6 номинация иегері анықталып, жобаның республикалық кезеңіне ұсынылды.

Бүгінгі шарада Қызылордадағы «Абай-Дәулет» ЖШС директоры Мұрат Сәрсенбаев «Жыл меценаты» номинациясы бойынша марапатталды. Бұл Сыр өңірінде «Рухани жаңғыру» бағдарламасының «Туған жер» арнайы жобасы аясында атқарылып жатқан мақсатты жұмыстар мен елеулі істердің нәтижесін көрсетіп, Сыр өңірінің мерейін бір асқақтатты.

М.Сәрсенбаев сондай-ақ Президент Жарлығымен мемлекеттік және қоғамдық қызметтегі еңбегі, еліміздің жан-жақты дамуына, халықтар достығы мен ынтымақтастығын нығайтуға қосқан үлесі үшін «Құрмет» орденімен марапатталды.