Сыр бойы

2019 жылдың 28 қарашасы күні облыстық «Сыр бойы» және «Кызылординские вести» газеттерінің 90 жылдығы аталып өтіледі.

Мерейтой шарасы осы күні азанғы сағат 9.00-де А.Тоқмағамбетов атындағы мәдениет үйінде фототілшілер – Б.Омарәлиев, И.Титенок, Н.Нұржаубайдың еңбектерінен жасалған фотокөрмені тамашалаудан басталады.

Сағат 10.00-де «Заманауи медиа кеңістіктегі аймақтық баспасөздің маңызы мен ролі» деп аталатын ғылыми-тәжірибелік конференция болады. Оған елімізге белгілі ғалымдар мен журналистика саласының мамандары қатысып, баяндама жасайды.

 Сағат 11.30-да «Атыңнан айналайын, Атамекен!» атты облыстық ақындар мүшәйрасы басталады. Мүшәйрада аймағымызға танылған ақындар өлең оқып, жеңімпаз жырларға сый-сияпат көрсетіледі.

Жан серігіңіз болып, рухани қуат сыйлаған баспасөз тойына келіп, барша жұрттың қуанышын бөлісуіңізге болады.

Әрбір келушіге есік ашық.

Ұйымдастыру алқасы.