Сыр бойы

  Әріптесіміз, белгілі журналист Мұрат Жетпісбаев республикалық "Егемен Қазақстан" газетінің Қызылорда облысындағы меншікті тілшісі болып қызметке кірісті.

Ол бұған дейін журналистика саласында біраз жыл еңбек етті. Еңбек жолын 1995-1996 жылдары Н.В.Гоголь атындағы Қызылорда педагогикалық институтының оқытушысы ретінде бастаған. Одан кейінгі жылдары облыстық телерадиокомпания редакторы, Қызылорда қалалық «Ақмешіт ақшамы» газетінің жауапты хатшысы, қалалық телерадиокомпания редакторы, республикалық «Ана тілі» газетінің облыстағы тілшісі, облыс әкімінің баспасөз хатшысы қызметтерін атқарды. 

Сонымен қатар, "Қазақстан" ұлттық телеарнасының облыстағы меншікті тілшісі, «Қазақстан» РТРК» АҚ облыстық филиалы директорының орынбасары, облыстық «Сыр бойы» газетінің бөлім меңгерушісі, Қызылорда қаласы әкімдігі жанындағы «Қызылорда медиа» ШЖҚ МКК директор-бас редакторы болып еңбек етті. 

Одан беріде облыстық «Сыр бойы» газетінің жауапты хатшысы, бас редактордың орынбасары, «Қызылорда-ньюс» интернет газетінің бас редакторы болды.

Әріптесімізге жаңа қызметте шығармашылық табыс тілейміз!