Сыр бойы

 Ардақты ұстаздар! Қадірлі білім саласының қызметкерлері!

Ұстаз – ұлағатты есім. Шәкірттерін білім нәрімен сусындатып, тәлім-тәрбие, адам­гершілік рухта бағыт-бағдар беруде ұс­таз­дың еңбегі ұшан-теңіз. Сондықтан ол әрдайым қадірлі тұлға ретінде ерек­ше­ленеді. Білім көшін алға жылжытып ке­ле жат­қан сіздерді кәсіби мерекелеріңіз – Ұстаздар күнімен шын жүректен құттықтаймын!

Ұстаз ұлағатын ұлықтап, қадірі мен қасиетін құрметтеу парыз болса, олардың жағдайын жасап, мәртебесін көтеру – міндет. Осы орайда, елімізде «Педагог мәртебесі» Заңының қабылдануы туралы көптен бері айтылып келеді. Мемлекет басшысы  Қасым-Жомарт Тоқаев  Қазақстан халқына арнаған алғашқы Жолдауында білім саласына, оның ішінде мұғалімдердің хал-ахуалына ерекше көңіл бөлу қажеттігін атап өтті. Бұл әрбір педагогке зор жауапкершілік жүктейді.

Ардақты ұстаздар!

Ұлттық тәрбие мен заманауи білімді ұштастырып, саналы ұрпақ тәрбиелеу – Сіздерге жүктелген абыройлы міндет! Ел мұраты жолында осы міндетті әр кез адал атқарады деп сенеміз.

Баршаңызды төл мерекелеріңізбен тағы да құттықтаймын! Сіздерге зор ден­саулық, шығармашылық жетістік, шаңырақтарыңызға бақ-береке тілеймін!

Құрметпен,

облыс әкімі   

Қ.Ысқақов.