Сыр бойы

А.Тоқмағамбетов атындағы мәдениет үйінде қала әкімі Нұрлыбек Нәлібаевтың төрағалығымен Мемлекет басшысы Қасым-Жомарт Тоқаевтың «Сындарлы қоғамдық диалог – Қазақстанның тұрақтылығы мен өркендеуінің негізі» атты Жолдауын талқылауға арналған идеологиялық актив  және «Nur Otan» партиясы қалалық филиалы саяси кеңесінің бірлескен отырысы өтті. Жиынға өңірдің зиялы қауым өкілдері, қалалық мәслихат депутаттары, кент және ауылдық округ әкімдері, сала басшылары қатысты.

Президент Жолдауда ел экономикасын, тұрмысын жаңа сатыға көтеретін негізгі міндеттерді ай­қындап берді. Бұл – еліміздің бұ­ған дейінгі жетістіктері мен табыстарын еселейтін, қажеттіліктер мен сұраныстарды қанағат­тан­дыратын негізгі бағдарламалық құжат. Жиында қала әкімі Жолдау­да көрсетілген басты 5 бағытқа тоқ­­талып, Мемлекет басшысы жүк­­те­ген жаңа міндеттерді атап өтті.

– Ел Президентінің алғашқы Жол­дауы – мемлекетімізді алға жете­лейтін жаңа тарихи құжат. Елба­сының бастамасымен қалып­тас­қан игі дәстүр, еліміздің страте­гиялық даму жолының негізгі темірқазығы.

Облыс бас­шылығы қолдауының арқа­сында Сыр елінің орталығы – Қы­зыл­­орда қаласында маңызды мәсе­лелер шешімін табуда. Биылғы жыл­дың осы күнге дейінгі есептік көрсеткіштері бойынша қаламызда көптеген жұмыстар жоғары нәти­жемен орындалуда. Жыл басында қаламыздың бюджеті 43 млрд теңге көлемінде бекітіліп, 6 айдың қоры­тындысымен 70 млрд теңгеден асты. Бұл – бюджет көлемінің жыл басынан бері 62,5 процентке ұл­ғайғанын көрсетеді, – деді Нұрлыбек Машбекұлы.

Орта және шағын бизнес – кез келген елдің әлеуметтік-экономикалық жағдайын жақсар­татын, мемлекеттің негізгі даму драйвері. Президент Жолдауында Үкіметке микро және шағын бизнес саласындағы компанияларды табысқа салынатын салықтан үш жылға босату үшін заңнамалық база әзірлеуді тапсырып, заңнамаға енгізілетін тиісті түзетулер 2020 жылдан бастап күшіне енуі керегін айтқан болатын. Қазір елімізде кәсіпкерлерге жаңа мүмкіндіктер есігі ашылды, Жолдаудағы қаржы­лық қолдау осының айғағы. Соңғы жылдары облыста да  кәсіп бастап, табысын еселеген азаматтардың саны артқан.

– Бүгінде облыс бойынша жұ­­­мыс істеп тұрған кәсіпкерлік субъ­ек­­тілерінің 60 процентке жуы­­­­ғы Қызылорда қаласының үле­­сінде. Жыл басынан бері жаңа­дан тіркелген кәсіпкерлік субъек­ті­­­лерінде 1 мың 600 жаңа жұмыс орын­ы ашылды, – деді қала әкімі.

Президент Жолдауда ауыл­шаруа­шылығы саласына тоқталып, бірақ оның әлеуеті толық пайдаланылмай отырғанын, елімізде орга­никалық және экологиялық таза өнім өндіру үшін зор мүм­кіндіктер барын айтқан еді. Қазір Қызылорда қаласы бойынша 390 шаруа қожалығының бірігуімен 27 ауыл шаруашылығы өндіріс кооперативі құрылған. Егіс көлемдерін әртараптандыру мақсатында 8 мың 583 гектар жерге ауыл шаруашылығы дақылдары егілген. Соңғы жылдары қалада да ауыл шаруашылығы саласы қар­қынды дамып келеді. Бірақ, Нұр­лыбек Машбекұлы қалаға қарас­ты елді мекендерде жерді тиісті деңгейде пайдаланбай отыр­ған шаруашылықтар барын атап өтті.

Мемлекет басшысы еліміздің бюджеті екі негізгі мақсатқа – экономиканы дамыту және әлеуметтік мәселелерді шешуге бағытталуы қажеттігін айтып, әлеуметтік салада ең бірінші кезекте білім саласына мән беруді тапсырған еді. Бүгінде  мемлекеттік цифрлан­дыру бағдарламасымен қала мек­тептерінің компьютермен жаб­дықталуы, интернет желісіне қолжетімділігі, электронды күн­делік жүйесіне қосылу көр­сет­кіші 100 процентке жетті. Жиында қала әкімі білім беру нысандарының саны жыл сайын артып келе жатқанын жеткізді.

– Жыл аяғына дейін Жаппасбай батыр көшесінің бойынан салынып жатқан 600 орындық мектеп құрылысын аяқтаймыз. Білім беру ұйымдарындағы орын тапшылығын шешу мақсатында №198 орта мектебі жанынан 200 орындық, №261 орта мектеп жанынан 150 орындық қосымша ғимараттар құрылысы жүргізілуде. Қала тұрғындарының сұранысына сәйкес, «Саяхат» шағын ауданынан 300 орындық мектеп, «Бәйтерек» шағын ауданынан 600 орындық мектеп құрылыстарын жүргізу үшін ҚР Білім және ғылым министрлігіне бюджеттік өтінім ұсынылды, – деді қала басшысы.

Еліміздегі әрбір отбасы қауіпсіз қоғамда, жайлы баспанада өмір сүргенде ғана мемлекет жаңа жетістіктерге қол жеткізе алады. Елбасының және Мем­лекет басшысының негізгі басым­дық­тарына ие болған мәселе – ха­лықты тұрғын үймен қамтамасыз ету.

Соңғы жылдары Қызылорда қаласында жаңа шағын аудандар бой көтеріп, 7 мыңнан астам қызылордалық баспа­налы болды. Құрылыс саласындағы жұмыс­тардың ең ауқымдысы, Сырдария өзенінің сол жағалауындағы жаңа қалада. Мұнда республикалық және облыстық бюджеттерден 820 пәтерлік 16 көпқабатты арен­далық тұрғын үй мен 830 пәтерлік 17 көпқабатты кредиттік тұрғын үйлердің құрылыстары жүргізілуде. Сондай-ақ, қазір қалада 2 мың пәтерлік 43 көпқабатты тұрғын үйдің құрылысы салынуда.

Тұрғындардың, әсіресе әлеу­меттік тұрғыдан әлсіз топтардың бас­панаға қолжеткізуі қашанда маңызды. Өңірде халық­тың аз қам­тылған және әлеуметтік осал топтарын тұрғын үймен қамтамасыз етуге бағытталған «ОРДА» аймақтық Жол картасы қабылданғаны белгілі. Сондай-ақ, Қызылорда қаласы көпбалалы отбасыларды қолдау және оларды баспанамен қамту бағытында бірегей жобаны жүзеге асыруда. Яғни, тұрмысы төмен көпбалалы отбасыларды тұрғын үймен қамтамасыз ету үшін «Баламекен» жобасы аясында Болат Өтемұратовтың жеке қорының демеушілік қолдауымен 100 отбасы тұрғын үймен қамтылды. Сонымен бірге, 50 пәтерлік 25 тұрғын үйдің құрылысы жүргізілуде.

Қала әкімі басты ұстаным – ашықтық екенін атап өтті. Бүгінде қала тұрғындарымен байланысты арттыру және барынша ашықтықты қамтамасыз ету бағытында қар­қынды жұмыстар жүргізілуде. Айта­лық, «Ашық Қызылорда» жоба­сындағы өтінімдердің 90 про­центі дер кезінде шешімін тапқан.

– Әлеуметтік желілер – біз үшін «пиар» құралы емес, халықпен байланыс құралы! Бұл ретте, қала әкімдігі ғимаратынан «Ақмешіт – адалдық алаңы» жобасы аясында фронт-офис аштық. Аймағымызда алғаш болып қалаға қарасты Тасбөгет кенті, Ақсуат ауылдық округі «Open space» жобасын қолға алса, осы жобаны Қарауылтөбе ауылдық округі жүзеге асыруда, – деді Нұрлыбек Нәлібаев.

Сондай-ақ, қала әкімі Жолдау­дан туындаған міндеттерді іске асыруға байланысты тиісті сала басшыларына тапсырмалар берді. Жиында «Nur Otan» партиясының облыстық мәслихатындағы депу­таттық фракция жетекшісі, И.Әбдікәрімов атындағы Қы­зылорда агро-техникалық жоғар­ы колледж­дің директоры Ибадулла Құт­тықожаев Жолдау­дан туын­дайтын міндеттер туралы, Қазақстанның еңбек сіңір­­ген қайраткері Қалқазбек Әжі­беков «Қарқынды дамыған және инклюзивті экономика» тақы­рыбында пікір білдірді. Сондай-ақ, республикалық, халық­аралық айтыстардың жүлдегері Мұхтар Ниязов, қалалық мәслихат депутаты, №23 мектеп-лицейінің директоры Ләйлә Қожаниязова, «Самғау» жастар сыйлығының иегері, «Бизнес старт» инно­вациялық жобаларды жүзеге асыру орталығының басшысы Жандос Оразмаханов Жолдаудың негізгі бағыттар бо­йынша келелі пікірлерді ортаға салды.