Сыр бойы

Мәскеудегі Қазақстан Республикасының Ресей Федерациясындағы Елшілігі жанындағы учаскеде сайлаушылардың белсенділігі жоғары болды. Елшіліктің фейсбуктегі парақшасындағы мәліметтерге қарағанда, мұнда жалпы 1477 адам дауыс берген. Ресей Федерациясының аумағында жүрген еліміздің азаматтары Қазақстанның дипломатиялық өкілдіктері жанында Мәскеу, Санкт-Петербург, Қазан, Астрахан және Омбы қалаларында құрылған бес сайлау учаскесінде өздерінің құқығын пайдаланды.

Мәскеудегі жоғары оқу орындарында білім алып жат­қан қызылордалық студенттер де ел болашағымен байла­нысты жауапты науқаннан тыс қалмады. «Мәскеу болат жә­не қорытпалар институты» Ұлт­тық зерттеу технологиялық уни­верситетінің студенті Алтынай Әбдіжәмиева сайлау учас­кесіне келіп, өз таңдауын жасады.

– Дауыс беру – еліміздің әр азаматының борышы. Елден жырақта жүрсек те, өз таңдауымды жасағаныма қуа­ныш­тымын, – деді ол.

Бүгінде Ресей астанасы мен Санкт-Петербург қалаларында жүздеген қызылордалық студенттер білім алуда. 2014 жылдан  бері Ресейдің жетекші ин­же­нерлік ЖОО-ға РФ үкіме­тінің гранты есебінен 500-ге жуық сырбойылық түлек оқуға қабылданды. Былтыр олар­дың ал­ғашқы  легі оқуын аяқтап, елге оралды. Жақында ин­женер-мамандардың екінші легі қолдарына диплом алмақ.

«СБ» ақпарат.