Сыр бойы

Соңғы жылдары облыс әкімі Қырымбек Көшербаевтың республикалық, халықаралық олимпиада және ғылыми жоба байқауларының жеңімпаздарымен, дарынды жеткіншектермен кездесуі дәстүрге айналды. Кездесу барысында білімге ұмтылған, инновацияға бейім шәкірттер өздерінің жетістігі, таңдайтын мамандықтары туралы ой бөлісіп, аймақ басшысының ақыл-кеңестерін тыңдайды.

Кеше облыс әкімдігінде жеңімпаздар мен жүлдегерлер облыс әкімімен кезекті кез­десуде бас қосып, қоры­тын­ды­ланғалы тұрған оқу жылында жеткен жетістіктерін ортаға салды. Өткен оқу жылында дарынды оқушылар халықаралық, республикалық олимпиадалар мен ғылыми жоба конкурстарына 55 оқушы қатысып, 58 жүлделі орын, атап айтқанда, 15  алтын, 13 күміс, 30 қола медаль иеленді.

Бүгінде сырбойылық түлектер Ресейдің, еліміздің жетекші жоғары оқу орындарында білім алуда. Ендігі  мақсат – шәкірттерді атақты «Лига плюща» құрамына кіре­тін университеттерде оқыту. Өйткені өзгермелі уақыттың, жаңа трендтердің ағысына ілесу үшін осындай асқақ армандарға ұмтылу керек.  

Өңір жастарына халық­аралық рейтингісі жоғары Гарвард, Йель, Принстон, Колумбия университеттеріне оқуға түсуіне мүмкіндік беретін екі бағыт бар. Біріншісі – Нұр-Сұлтан қаласындағы «Astana Garden School» жеке мектебі арқылы оқыту. Екіншісі – Назарбаев зияткерлік мектебі арқылы дайындау. 2016 жылдан бастап Назарбаев зияткерлік мектебінің базасында оқушыларды шет мемлекеттегі іргелі университтерге түсуге дайындайтын арнайы орталық жұмыс жасайды. Биыл Қызылорда қаласындағы Назарбаев зият­керлік мектебінің базасынан осы орталықтың филиалын ашу жоспарлануда.

Кәсіпкерлік, дизайн, ком­му­­­­никация сияқты сала­ларда жаңа технологиялар­ды ен­гі­зу­ге талапты жастарға Ре­­сей­дің «Кванториум», «Си­­риус» секілді ірі орта­лық­­­тардың тәжірибесін мең­гер­ту маңызды. Облыс­та оқу процесіне STEM-эле­мент­тері, робототехника, ғы­­­лыми инновациялар мен ма­те­­матикакалық модельдеу бо­­йынша білім беретін 46 ин­но­вациялық мектеп бар.

Кездесуде дарынды оқу­шылар Ә.Наушабай, Ж.Кәрі­боз, Е.Жақсылық сөз сөй­леп, алдағы жоспарлары ту­ралы айтты. Жиын  соңында қатысушыларға «Сыр дарыны» медалі табысталды.