Сыр бойы

Облысқа жұмыс сапарымен келген Ресей Федерациясының Алматыдағы Бас консулы Евгений Бобров пен Тәжікстан Республикасының Алматыдағы Бас консулы Баходур Назир облыс әкімі Қырымбек Көшербаевпен кездесіп, ынтымақтастық мәселелерін талқылады.

Сапар барысында консул­дық басшылары қаланың сол жағалауындағы құрылыс бары­сымен және ахуалдық орталықтың жұмысымен танысып, аймақтық IT-парк пен облыстық өлкетану мұра­жа­йына барды.

Аймақ басшысы Қ.Көшер­баевпен кездесу барысында түрлі салалардағы ынты­мақ­тас­тық перспективалары тал­қыланды.

– Сіздердің өңірлеріңізді аралап көргендегі әсерім өте жақсы. Қаланың даму қар­қыны, болашағы жақсы еке­нін аңғардым. Облыс әкімі аймақтың мектеп түлектері ресейлік жоғары оқу орындарында білім алып жатқанын айтты. Аймақ басшылығы ха­лықтың өмірін жақсартуға тыры­сатыны айқын көрінеді, – деді РФ Алматыдағы Бас консулы Евгений Бобров.

Сондай-ақ, ол «Достық үйін­­де» болғанын, онда бей­біт­­­шілік пен келісім, жарқын бас­­­та­малардың және көпфунк­­­цио­налды ресурстық ор­та­­­­­лықтармен шаңырағына ай­­­­­­нал­ған  «Дос­тық үйінде» этно­мә­­­дени бірлестіктер қызметін да­­мытуға барлық жағдай жасал­ға­нын жеткізді.

Ал, Тәжікстанның Алматы­дағы Бас консулы Баходур Назир аймақтың ежелгі тарихын айтып өтті.

– Облыс әкімімен кездесуде біз ынтымақтастықтың бірқатар маңызды мәселелерін талқыладық. Алдағы уақытта екі елдің мәдениетімен танысу үшін туристер ағынын жолға қоюды жоспарлап отырмыз, – деді Баходур Назир.