Сыр бойы

Бұл туралы бүгін Өңірлік коммуникациялар қызметінде өткен баспасөз конференциясында әскери әуе күштерінің қолбасшысы мәлімдеді.

Тікұшақ 1985 жылдан бері пайдаланып келеді. Күрделі жөндеу жұмысы 2014 жылы жүргізілген. Әр жөндеуден кейін тікұшақ 8 жылға дейін жарамды болуы керек.

– Ұшқыштардың барлығы да білікті мамандар еді. Олар әр түрлі ауа-райының метеорологиялық жағдайларында, күндізгі және түнгі тәулік уақыттарында ұшуларына рұқсаттары бар. Қандай да бір төтенше жағдайлардан тиісті шешім қабылдай білетін тәжірбиелі пилоттар еді - деді Д.Қосанов.

Бүгінде оқиға орнында арнайы мемлекеттік комиссия жұмыс жасауда.

– Алдын ала болжаудан аулақпын, дегенмен өз ойымды білдірсем. Мен де тәжірибелі ұшқыш ретінде айтарым, тікұшақ техникасы істен шығып, әуеде-ақ өртене бастаған. Экипаж мүшелері оқиғаны баяндауға еш мүмкіндіктері болмаған. Біздің жобалауымызша, экипаж 2100 метр биіктіктен құлаған. Бұл бар болғаны 40 секундтың ішінде орын алған. Тікұшақтың айналып құлағанын жан-жаққа шашыраған сынықтары мен қосалқы бөлшектерден байқауға болады. Экипаж мүшелері соңына дейін арпалысқаны белгілі. Енді нақты шешімді мемлекеттік комиссия шығарады, – Дәурен Қосанов.

Айта кету керек, бүгінде 10 адамның мүрдесі анықталды. Қалғанын нақтылау таңға дейін жүргізіледі. Ал, ертең 30 наурыз күні Қорқыт ата атындағы әуежайда қаралы митинг өткізіліп, мәйіттер туған-туысқандарына жеткізілді.