Сыр бойы

Жанәділ мен Салтанат Рахметовтер – сол жағалаудан үй алған жас отбасы. Олар сол жағалаудағы салынып жатқан құрылыстарды сырттай тамашалап, үйіміз болса деп армандайтын. Міне арманы орындалды! Сол жағалаудың алғашқы тұрғыны атанып, енді кілтін алуға асығып отырған жас отбасының қуанышымен бөліскен едік.

Салтанат Рахметова: Сырбойылықтарға арналған «Орда» бағдарламасының тиімді екенін естіп, Тұрғын үй құрылыс жинақ банкінен шот ашып, ай сайын ақша жинай бастадық. Жастар жылында жолымыз болды. Жақында сол жағалаудағы үйлерден «Орда» бағдарламасы бойынша 3 бөлмелі пәтер алуға конкурсқа қатыстық. Қорытындысында №17 үйден 3 бөлмелі пәтер бізге бұйырды. Жақында кілтін аламыз. «Орда» жас отбасы үшін ең тиімді бағдарлама екеніне көзіміз жетті. Қуанышымызда шек жоқ.