Сыр бойы

Қызылорда қаласында және Жаңақорған ауданында күн электр станциясы "HydroEnergy" АҚ (Болгария) компаниясымен, Жалағаш ауданында - француздық "Total Eren" және Шиелі ауданында "Samruk Kazyna – United Green" және "Авелар Солар Технолоджи" ЖШҚ (Ресей) компанияларымен бірлесіп салынатын болады.

Облыс әкімінің орынбасары Евгений Кимнің айтуынша, облыста қуаты 140 мВт болатын 4 күн электр станциясы салынады.

"Қазіргі таңда қуаты 140 мВт болатын 4 күн электр станциясы құрылысының дайындық жұмыстары толығымен аяқталды. Барлық сұрақтар шешілді, жер телімдері бөлінді және инфрақұрылым жүргізілді. Белгілі болғандай, Қызылорда облысы күн сәулесі белсенділігі жоғары аймақта орналасқан – жылына 3000 сағаттан астам күн сәулесі түседі. Сонымен қатар, біз жел электр станциясын салуды жоспарлап отырмыз", - деді Евгений Ким.

Франция Республикасының Қазақстан Республикасындағы Төтенше және Өкілетті Елшісі Филипп Мартинэ "Total Eren" компаниясы 2019 жылдың қазан айында электр станциясын салу жұмыстарын аяқтайтынын атап өтті.

"Total Eren" француз компаниясы қазақстандық серіктестермен бірлесіп Жалағашта күн электр станциясын дамытуға міндеттеме алды. Жұмыстар алдағы аптада басталып, келесі жылдың қазан айына дейін жалғасады", - деді Қазақстан Республикасындағы Француз Республикасының Төтенше және Өкілетті Елшісі Филипп Мартинэ.

Екі электр станциясын "HydroЕnergy Company" Болгар компаниясы салады.

"Инвесторлар өз жобаларын жүзеге асыру үшін Қызылордаға келгенін және жергілікті билік органдарының қолдау көрсетіп, инфрақұрылымды, жерді, техникалық жағдайларға қатысты жобаларды іске асыру үшін барлық қажетті жағдайлар жасайтынын ерекше айта кетейік", - деді «HydroЕnergy Company» компаниясының өкілі Антон Филев.

Қызылордада «жасыл» экономиканы дамытуға арналған " Baikonyr Invest " Х инвестициялық форумы өтіп жатыр.

Форум аясында пленарлық отырыс пен "жасыл" экономиканың жеті негізгі бағытын қамтитын 4 секцияның жұмысы өтті: "Жаңартылатын энергия көздері» бойынша жобаларды енгізу мәселелері, тұрғынүй коммуналдық шаруашылығындағы энергия тиімділігі, қалдықтарды басқару жүйесін жетілдіру», "Цифрландыру. Smart city», ауылшаруашылық өнеркәсіп кешеніндегі "Жасыл технологиялар", су және жер ресурстарын басқару жүйесін жетілдіру», "Жасыл экономиканы дамытуда мемлекеттік-жекеменшік әріптестік тетіктерін қолданудың жаңа мүмкіндіктері", сондай-ақ B2B, B2G, G2G форматындағы кездесулер өтуде.