Сыр бойы

Сейсенбіде облыстық мәслихаттың кезектен тыс ХХІV сессиясы өтіп, онда 2018-2020 жылдарға арналған аймақ бюджеті нақтыланды. Сессияға облыс әкімі Қырымбек Көшербаев қатысты. 

– Бүгін сессияның күн тәртібінің қарауына аймақ бюджетін нақты­лауды ұсынып отырмыз.Үнемделген қаржыларды Елба­сының биылғы қа­зан айындағы Жол­дауында айтылған міндеттерді жүзеге асыруға және өңірдің кезек күттірмейтін басым ба­ғыттағы шы­ғындарына жұмсау көз­делуде, – деді облыс әкімі.

Аймақ басшысының айтуынша, «Еңбек» нәтижелі жұмыспен қам­туды және жаппай кәсіпкерлікті да­­мытудың 2017-2021 жылдарға ар­нал­ған бағдарламасы аясында ша­ғын қалалар мен ауылдарда кәсіп­керлікті дамытуға 131,2 млн теңге несие қаржысы қарастырылған. Сонымен қатар, келісілген жоспарға сәйкес, облыстық бюджет есебінен 800 адамды «Бизнес-Бастау» жобасы аясында кәсіпкерлік негізінде оқытуға 36 млн теңге бағытталған. Аталған жоба бойынша 1600 адамды оқыту жоспарланып, оның 800-і республикалық бюджет есебінен оқу курстарын бітірген. Мемлекеттік-жекеменшік әріптестікті дамыту инвестиция тартудың тиімді құралы әрі кәсіпкерлікті дамытуда әлеуеті зор екені белгілі. Қазір өңірде жалпы құны 34 млрд теңгеден асатын түрлі салада 75 жоба іске асуда. Осының аясында денсаулық сақтау, білім, спорт саласы бойынша мемлекеттік-жекеменшік әріптестік аясында жобаларды әрі қарай дамытуға 153 млн теңге бағыттау көзделіп отыр. Сондай-ақ, жаңадан іске қосылған 13 білім беру нысанының шығындарын өтеуге 178 млн теңге және Қызылорда қаласындағы мектептердің оқушылар контингентінің көбеюіне байланыс­ты 111 жиынтық-сыныптарын қаржы­ландыруға қосымша 90 млн теңге қарастырылуда.

– Жылдың аяқталуына небәрі бір жарым ай ғана уақыт қалды. Бар­лығымыздың міндетіміз – жылды оң нәтижемен қорытындылау. Өнер­кә­сіптің өндіріс көлемінің тө­мен­деуіне қарамастан, жүйелі қабыл­данған шаралар нәтижесінде 2017 жылдың қорытындысымен Жалпы Өңірлік Өнім (ВРП) бойынша оң векторға шықтық. Бұл межені мұнайдың жыл сайынғы және бүгінгі таңда уран өндіру көлемінің төмендеуіне қара­мастан, биыл да сақтаймыз деп отырмыз», – деді облыс әкімі.

Бұл бағытта айтарлықтай жұмыс­тар атқарылды. Мәселен, соңғы үш жылда өңдеуші өнеркәсіпте негізгі капиталға салынған инвестиция кө­лемі 2 есеге жуық, жұмыспен қам­тылғандар саны 55 процентке, еңбек өнімділігі 18 процентке өскен. Жыл аяғына дейін тампонажды цемент зауыты, балықты тереңінен қайта өң­деу зауыты мен пластикалық қайық жасау цехы, ал 2019 жылы шыны зауыты мен жылына 1,5 тонна құс етін өндіретін құс фабрикасы іске қосылады. «Баласауысқандық» кен орнында ванадийдің бес тотығы өн­дірісі қуаттылығын арттыру, тұзды қайта өңдеу және кальцийленген сода зауытының құрылыс жұмыстары жалғасуда. Аймақтың маңызды саласы ауыл шаруашылығы өнімдерінің жалпы көлемі жыл қорытындысымен 2017 жылға қарағанда өсім 4,5 процентті құрайды деген болжам бар. Ал, атқа­рылған құрылыс жұмыстарының кө­­лемі 2,2 процентке, пайдалануға бе­рілген тұрғын үйлер көлемі 667,4 мың шаршы метрді құрап, 9 процентке өсуі ықтимал.

Әлеуметтік сала бойынша биыл 10070 жаңа жұмыс орнын құру жос­парланып, 10 айдың өзінде 10605 жұмыс орны құрылып, жоспар 5,3 процентке артығымен орындалған.

Сессияда күн тәртібіндегі мәсе­лелер бойынша тиісті сала басшылары хабарлама жасап, шешімдер қабылданды.