Сыр бойы

Өткен жылдың қорытындысымен Қы­зылорда облысы үкіметтік емес ұй­ым қызметін белсенді ету бойынша қаржыландыру жағынан Астана мен Алматы қалаларынан кейін 3-ші орын­ды иеленді. Бұдан басқа аймақта үкіметтік емес ұйымдарды бюджеттен тыс көздерден қаржыландыру шаралары қабылданып, 8,2 млн теңге болатын «Дағдарыс жағдайына тап болған балалар мен аналарға арналған әлеуметтік қонақ үй» жобасы іске асырылуда.
Әлеуметтік жобалардың негізгі бағыт­тары – қоғамдық келісімді және ұлттық бірлікті нығайту, жастар саясатын іске асыру мен балалар бастамаларын қолдау, халықтың әлеуметтік тұрғыдан осал топтарына қолдау көрсету. Ұзақ мерзімді қаржыландыру, оның ішінде мүгедек азаматтарды оңалту мен әлеуметтендіруге бағытталған ақпараттық технологиялық сауаттылықты көтеру, электронды әкім­дік бағдарламасын қолдануды үйрету, «Инватакси» әлеуметтік жобалары оң шешім тапқан.
«Мерейлі отбасы» ұлттық байқауы, жас ұрпаққа еңбек еткен адамның қалай дәріптелетінін түсіндіру үшін «Еңбек династияларының» форумы, «Жомарт жүрек» акциясы өткізіліп келеді.
Облыс басшысы мектеп жасындағы балалар арасында салауатты өмір сал­тын насихаттау, олардың тән мен жан сау­лығын қамтамасыз ету, жасөспі­рімдерге кәсіптік бағдар беру, өскелең ұрпақтың биік рухани келбетін қалыптастыруда бірлесе атқаратын жұмыстардың жеткі­лік­ті екенін айтты.  
– Соның ішінде мүмкіндігі шектеу­лі, жетім, әлеуметтік жағдайы төмен отба­сындағы балаларға қамқорлығы­мызды  күшейткеніміз жөн. Сіздерден алдағы уақытта осы бағыттағы жобалар мен ұсыныстар күтеміз, – деді Қырымбек Елеуұлы.  
Үкіметтік емес ұйымдардың әдісте­мелік және ресурстық орталығы – «Азаматтық альянс» бірлестігі құрылған күнінен бастап мемлекеттің сенімді де тиімді әріптесіне айналды. Алдағы уақытта облыстық «Азаматтық альянс» барлық қоғамдық ұйымдармен кеңесе, форум ұсынымдарын ескере отырып, іс-шаралар жоспарын дайындайды. Бұл құжат келешекке дайындаған ортақ жоспар болмақ. Оған қоса альянстың ұсынысымен барлық басқарма басшылары белсенді жұмыс жасайтын үкіметтік емес ұйым басшыларын кеңесші ретінде жұмысқа тартатын болады.
Аймақ басшысы әлеуметтік жоба­лар­дың нәтижелі орындалуы мен үкі­меттік емес ұйымдар жұмысының сапасына сараптамалық талдау жасау жә­не жобалардың тиімділігін арттыру мақ­сатында  «Азаматтық альянс» жанынан эксперттік топ құруды ұсынды.        
– Халқымызда «азамат» деген қастерлі ұғым бар. Ол басқа тілдердегі төлқұжатпен анықталатын азаматтықтан әлдеқайда кең әрі терең ұғым. Қазақ қоғамында «Азамат» мәртебесі – адамға өрелі ісі, айналасына жанашыр жүрегі, елі мен туған жеріне жасаған қалтқысыз қызметі үшін берілген. Осы қастерлі ұғымның бар ауыртпалығын арқалап, Тәуелсіз еліміздің бүгінгі жеткен жетістігіне зор үлесін қосып, адал қызмет етіп жүрген сіздерге алғысымыз шексіз, – деді облыс әкімі сөзінің қорытындысында.
Форумда облыстық «Азаматтық альянс» қауымдастығының төрағасы Ж.Базартай, «Арал балалары» қоғамдық қорының директоры Қ.Исаева, Қа­зақстан­ның қолөнершілер одағы облыс­тық филиалының директоры Қ.Ілиясова, «Ұшқын» мүгедектердің құқығын қор­ғау және жәрдем беру қоғамдық бір­лестігінің төрағасы Б.Жұ­ма­шев, тағы басқа үкіметтік емес ұйым өкілдері ұсыныс-пікір білдірді. Аза­маттық сектор жұмысын алға жетелеген қоғам белсенділері марапатталды.
Үзілістен соң форум жұмысы сұхбат алаңдарында жалғасты. Облыстық жұ­­мыспен қамтуды үйлестіру және әлеу­меттік бағдарламалар басқар­масының басшысы Т.Дүйсебаев, ішкі саясат бас­қармасының басшысы Т.Махановтың тре­нерлігімен ҮЕҰ жетекшілеріне ар­налған шара ұйымдастырылды.