Сыр бойы

Қызылорда облысы бойынша мемлекеттік кірістер департаменті республикалық «Чек талап ет – жүлде ұтып ал» акциясының биылғы жылғы алғашқы ұтысын  «Жібек жолы» сауда орталығында ойнатты. 

Сауда орталығында жүрген жұртшылық өкілдері акция талабымен танысуға мүмкіндік алды. Сонымен қатар, қызығушылық танытқандарға мамандар сол жерде «Wipon» мобильді қосымшасын жүктеуді, чекті фотоға түсіріп  жолдауды көрсетіп үлгерді.  

 Өткізіліп жатқанына үшінші жыл болған бұл Акцияның ерекшелігі - электрондық форматта «Wipon» мобильді қосымшасы арқылы өткізіледі. Қосымшаны ақысыз көшіріп алып, смартфондардың барлық түрлері мен басқа да гаджеттерде пайдалануға болады. Акцияға тұтынушылар сатып алған тауар үшін, жұмыс немесе қызмет үшін берілген фискалды чектің фотосын жіберу арқылы қатыса алады.

 ҚР Қаржы министрлігі Мемлекеттік кірістер комитетінің ұйымдастыруымен және «Атамекен» Ұлттық кәсіпкерлер палатасының қолдауымен өтіп жатқан акция биылғы жылы 21 мамырда басталған болатын.

 21 мамыр мен 30 маусым аралығында қызылордалықтар жолдаған 12890 чек ұтысқа қатысты. Автоматтандырылған бағдарлама арқылы кездейсоқ таңдау әдісімен жиналған көпшілік қатысуымен үш жүлдегер анықталды. Биылғы акцияның алғашқы айдағы жүлдесі – теледидар Сырдария ауданының тұрғыны Әбдіғаппарова Алтынайға бұйырды.

Республикалық акцияның негізгі мақсаты: - азаматтардың белсенділігін және халықтың салықтық мәдениетін көтеру; - бақылау-касса машинаны қолдану арқылы салық төлеушілер арасында салық тәртібін талап ету негізінде бюджетке салық түсімдерін көбейту; - көлеңкелі экономиканың көлемін қысқарту.

мемлекеттік кірістер департаментінің бас маманы