Сыр бойы

Қызылорда облысында алғаш рет Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігінің Қызылорда облысындағы Әдеп жөніндегі кеңесі отырысы көшпелі түрде Шиелі ауданында өткізілді. Кеңестің көшпелі отырысында6 мәселе қаралды.

Көшпелі отырыстың мақсаты – сыбайлас жемқорлық фактілері көп орын алған аудандарға барып, жергілікті мемлекеттік орган қызметкерлеріне орын алып отырған заңбұзушылық салдарын түсіндіру.

Көшпелі отырысқа Кеңес мүшелері, Шиелі ауданындағы мемлекеттік мекеме басшылары мен қызметкерлері және бұқаралық ақпарат құралдары өкілдері қатысты.

Кеңестің отырысын Әдеп жөніндегі кеңес төрағасы Мұхимов Абзал Сансызбайұлы ашып, күн тәртібіне сәйкес аудан әкімі Ә. Оразбекұлы аудандағы мемлекеттік қызмет және сыбайлас жемқорлық профилактикасы бағытында атқарған жұмыстары жайлы есеп берді.

Әдеп жөніндегі кеңес мәселені жан-жақты қарап, Шиелі ауданының әкімі Ә.Оразбекұлына,аудандағы мемлекеттік органдардың сыбайлас жемқорлық көріністерінің себептеріне мониторинг жасап, сыбайлас жемқорлық тәуекелдеріне ішкі талдау жүргізу және сыбайлас жемқорлықтың алдын алу бағытындағы профилактикалық шараларды күшейту, сондай-ақ, мемлекеттік көрсетілетін қызметтерді де жандандыру ұсынылды.

Кеңестің күн тәртібіне сәйкес келесі кезекте Шиелі аудандық ішкі істер бөлімінің сыбайлас жемқорлықтың алдын алу бағытында атқарған жұмыстары жайлы аудандық ішкі істер бөлімінің бастығы С.Тоқтыбаев тыңдалып, бөлімде орын алған сыбайлас жемқорлық қылмыстар және құқық бұзушылықтарды жасауға ықпал ететін себептер мен жағдайларды анықтау мақсатында сыбайлас жемқорлық тәуекелдеріне талдау жүргізуді және Бөлім қызметкерлеріне сыбайлас жемқорлыққа қарсы қызмет саласындағы мекемелерді қатыстыра отырып, түсіндірме жұмыстарын ұсыну туралы шешім қабылданды.

Келесі кезекте мемлекеттік қызмет, мемлекеттік көрсетілетін қызметтер және сыбайлас жемқорлыққа қарсы іс-қимыл туралы заңнамалары бұзушылықтарының профилактикасы бағытында атқарған жұмыстары жайлы есебі тыңдалған Шиелі ауданы бойынша мемлекеттік кірістер басқармасының басшысы Е.Абдрахмановқа Қазақстан Республикасының мемлекеттік қызмет, сыбайлас жемқорлыққа қарсы іс-қимыл саласындағы заңнамасын және Әдеп кодексін сақтау мәселелерін түсіндіру бойынша кешенді іс-шаралар жоспарын бекітіп, оны жүзеге асыру ұсынылды.

Әдеп жөніндегі кеңестің 4, 5 мәселелері бойынша Жаңақорған кенті әкімінің орынбасары Баянбай Доспанбетовтың және Жаңақорған кенті әкімі аппаратының бас маманы Алмагүл Мамированың тәртіптік істері қаралды.

Кеңес мүшелері қызметтік тергеп-тексерудің материалдарын жан-жақты қарап, аталған азаматтар тарапынан тек рәсімдік заңбұзушылықтар орын алғандығы және конкурсты өткізу барысында мемлекетке ешқандай шығын келмегендігін ескеріп, тәртіптік істерді тоқтату жөніндегі шешімдерін қабылдады.

Кеңес отырысында соңғы мәселе 2018 жылға арналған Агенттік төрағасымен бекітілген кешенді жоспарға сәйкес, мемлекеттік қызметшілердің үймен, оның ішінде қызметтік пәтермен, жер учаскесімен қамтамасыз етілуіне жүргізілген мониторинг қорытындысы қаралды.

Кеңес шешімімен мемлекеттік қызметшілердің әлеуметтік қорғау шараларын жақсарту мақсатында, бүгінгі күнге қанша мемлекеттік қызметші үй, қызметтік пәтерге, жер учаскесіне мұқтаждығына мониторингжүргізуді және оларданүй, қызметтік пәтер, жер учаскесін алу туралы өтініштерін қабылдаумен шектелмей, қызметтік пәтер, жер учаскесін берілуін қамтамасыз етуүшін нақты іс-шаралар белгілеу (тұрғын үй салуға қаржы бөліну мәселесін қарастыруды, жер заңнама талаптарын сақтай отырып, сол елді мекенде жер учаскелерін берілуі мәселесін қарастыруды) бойынша Қызылорда қаласы және аудан әкімдеріне ұсыныс беру шешілді.

Күн тәртібіндегі барлық мәселелер қаралып, тиісті ұсынымдар берілді.