Сыр бойы

Қазақ әліпбиін латын графикасына көшірудің негізгі қағидаларын түсіндіруге байланысты Жалағаш ауданының мәдениет және өнерді дамыту орталығында «Латын әліпбиіне көшу – рухани жаңғырудың негізі» атты облыстық семинар өтті.

Семинарды аудан әкімінің орынбасары Ж.Тажмаханов ашып, қазақ әліпбиінің латын графикасына көшірудің маңыздылығына тоқталды.  «Қызылорда-Ақиқат айнасы» жастар қоғамдық бірлестігінің медиа координаторы, облыстық ақпараттық-насихаттық түсіндіру тобының жетекшісі  Е.Құсан семинарға медиаторлық жасаса,   Қорқыт ата атындағы Қызылорда мемлекеттік университетінің қазақ тілі мен әдебиеті және журналистика кафедрасының аға оқытушысы, филология ғылымдарының кандидаты Б.Боранбай «Әліпби мәселесінде аса ыждаһаттылық қажет», Қызылорда облыстық ішкі саясат басқармасы жанындағы Өңірлік тілдерді оқыту орталығының әдіскері, топ мүшесі Ж.Ерекешова «Әліпби алмастыру – уақыты жеткен шешім» атты хабарламалар жасап, қазақ әліпбиін латын графикасына көшірудің өзектілігіне, маңыздылығына тоқталды.

Семинарға қатысушылар ұсыныс-пікірін білдіріп, АНТ мүшелеріне алғыстарын білдірді.

Мадияр МАХАМБЕТҰЛЫ,

 Қорқыт ата атындағы ҚМУ-дың

                        4-ші курс студенті.