Сыр бойы

Күріш өнімділігінің артуы есебінен соңғы 5 жылда облыста күріштің жалпы өнімі 2 есе артты. Бұл туралы бүгін халық алдында есеп беру кездесуінде аймақ басшысы Қырымбек Көшербаев мәлімдеді. 

"Ауыл шаруашылығы кооперацияларын құру арқылы соңғы жылдары ет бағытындағы мал шаруашылығын дамыттық.  Бұл, ең алдымен, азық-түлік қауіпсіздігі мәселесін шешеді", - деді облыс әкімі. Ал, облыстың буферлік аймақтан шығуы 2017 жылдан бастап алыс шетелдерге (Араб Әмірлігі, Иран және Моңғолияға) мал экспорттауға және өнімдерді экспорттау үшін бірнеше ет комбинатын салуға мүмкіндік ашты.

"Сонымен қатар, 2016 жылы біз бақша өнімдерін экспорттауды қайта бастадық. Нәтижесінде, тек соңғы жылдың өзінде ауыл шаруашылығы өнімдерінің экспорты 37 пайызға артты, оның ішінде күріш экспорты - 39 процентке, көкөніс - 2 есе, бақша дақылдары - 3,5 есе артты", - деді аймақ басшысы.