Сыр бойы

Н.Бекежанов атындағы облыстық қазақ музыкалық драма театрының шығармашылық ұжымы аттестациядан өтті.

Сынақты Т.Жүргенов атындағы Ұлттық өнер академиясының профессорлары, Қазақстанның еңбек сіңірген қайраткерлері Аман Құлбаев және Дариға Тұранқұлова қабылдады. Сондай-ақ, олар жергілікті актер-актрисаларға арнап «Актер шеберлігі», «Сахна тілі» тақырыптарында шеберлік сабақтарын өткізді.

– Мұнда келгендегі мақсатымыз – шығармашылық ұжымның біліктілігін арттырып, шеберліктерін шыңдай түсу. Театрдың жұмысымен, репертуарымен таныстық. Шекспирдің «Макбетін» тамашалай отырып ұжымның, оның ішінде жастардың беталысын бағамдап, актерлар мен режиссердің байланысына куә болдық, – дейді А.Құлбаев.

Аттестациядан өткен өнер иелеріне біліктілік деңгейлерін растағаны жөнінде сертификаттар табыс етілді.