Сыр бойы

Мен ғалым ретінде Елбасының биылғы Жолдауынан не байқадым? Елімізде егіншілік мәдениетін көте­рудің сан алуан қыры тұ­жы­­рымдалғаны байқалады. Диқан­шылық кәсіпті меңгерудің баға жет­пес құндылықтарын игере бас­тадық. Енді шикізатты қайта өңдеп, әлемдік нарыққа жоғары сапалы өніммен шығуымыз қажет. Оған Елбасы көрегенділікпен тағы да жол сілтеді. Әрине, аграрлық саланы ғылыммен ұштастырсақ ғана оң нәтижеге қол жеткіземіз.

Шындығын айту керек, жаңа технологиялар мен бизнес модель­дерін енгізу, агроөнеркәсіп кеше­нінің ғылымға негізделуін арттыру, шаруашылықтарды кооперациялау қажеттігі туындап отыр. Бұл үшін ауыл шаруашылығы субъектілерін кооператив түрінде жұмыс істеуге, жан-жақты қолдау көрсетуге бетбұрыс жасамай болмайды. Бұл ретте, Сыр өңірінің бірқатар шаруашылықтарында игі қадамдар бастау алуына облыс басшылығының барынша қолдау көрсетіп отырғанын айту керек.

Биылғы Жолдауда айрықша айтылған бағыт – Қазақстанның болашағы – үш тілді еркін меңге­рудің, қазақ тілін халықаралық дең­гейге жақындату үшін латын әліпбиіне көшудің қажеттілігі болжампаздық бағдаршамы екен.

Мен ғалым ретінде айтпағым, Сыр өңірінің әрбір еңбеккері, Елбасы Жолдауындағы алда тұрған  он міндетті жүзеге асыруға атсалысуды басты парызға айналдыруға тиіс. Бұл биік белестерге жеткізері ақиқат.

Ә.ӘМІРҒАЛИҰЛЫ,

ауыл шаруашылығы ғылымдарының кандидаты, 

«Құрмет» орденінің иегері.