Сыр бойы

Құрметті достар, сіздердің қолдауларыңыздың арқасында  Элизабет бүгінгі күнге дейін 3 540 дауыс жинады!

Элизабет - әлемдік аренада ел намысын абыроймен қорғап жүрген мәнерлеп сырғанаудан  халықаралық дәрежедегі спорт шебері,  ҚР 4 дүркін чемпионы, халықаралық турнирлердің көпдүркін жеңімпазы және жүлдегері!  Жақында, 25-28 қазанда Минскіде өткен  халықаралық «ICE STAR» турнирінде  Лиза бірінші орынды иеленіп, Қазақстанның әнұранын шырқатты. Ал 15-19 қараша аралығында Франциядағы Гран-При жарысында  екі бағдарлама бойынша 200 ұпаймен рекордтық көрсеткішке  ие болды.

Элизабет биылғы жылы Хельсинкидегі әлем чемпионатында табысты өнер көрсетіп, Қазақстандағы мәнерлеп сырғанау тарихында әйелдер арасында тұңғыш рет Кореяда өтетін Олимпиадаға екі лицензияны жеңіп алды.

Ұлттық спорттық жүлденің дауыс беру мерзімінің аяқталуына 5 күн қалды. «Үздік жас спортшы-2017» үміткерлеріне  дауыс беру 28 қарашада сағат 23:59-да тоқтатылады. Алайда апта ішінде көп нәрсе өзгеруі мүмкін.

Сондықтан да, құрметті достар, Элизабетке дауыс беріңіздер!  Жақындарыңызды, әріптестеріңізді, достарыңызды Элизабетке дауыс беруге шақырыңыздар!