Сыр бойы

Аударманың авторлары кітаптың тұсаукесерін Баку және Астана қалаларында өткізуді жоспарлап отыр. 

«Нұрсұлтан Назарбаев. Өмір жолы» кітабы әзербайжан тілінде осылай аталады. Өмірбаянға алғысөзді Әзербайжан Президентінің қоғамдық-саяси сұрақтары бойынша көмекшісі, профессор Али Гасанов жазған. Ол өз сөзінде Қазақстанның дамуы мен көршілес елдермен достық қарым-қатынас орнатуындағы Елбасының маңызды рөлін атап өтеді. Аида Эйвазлы, аудармашы: – Нұрсұлтан Назарбаев сынды тұлғаның өмір жолы Әзербайжанға ғана емес жалпы түркі әлеміне қызық. Оны жаһан бойынша данагөй басшы, бейбіт үдерістердің бастамашысы болған мемлекет қайраткері ретінде қабылдайды. Ең қиын сәттерде алғашқылардың бірі болып барлық мемлекетті достыққа шақырады. Аударма кезінде бейбітшілікті бағалайтын, соғыс сөзін мойындамайтын, адамгершілігі мол тұлға ретінде таныдым. 

Кітапты әзербайжан тіліне аудару ойы Халықаралық түркі академиясының президенті Дархан Кыдырәліге келген. «Сапалы аударманы жүзеге асыру үшін бір жылдай уақыт кетті дейді», – Аида Эйвазлы. 

Аида Эйвазлы, аудармашы: – Кітапта халыққа қызмет ету жолында кездесетін мағыналы оқиға жетерлік. Бұл туынды екі ел арасындағы достықты нығайта түсетініне сенімдімін. Және оқырмандар тарапынан да қызығушылық тудыруы тиіс. 

Кітаптың тұсаукесерін Астана қаласында жақын арада өткізу жоспарланған. Сондай-ақ авторлар Қазақстанда тұратын әзербайжандықтарға бір-бір данадан сыйламақ ниетте. Ал Баку тұрғындары оны қала кітапханаларынан таба алады.  

Авторлары: Шафаг Алиева, Эльшан Шахбалаев