Сыр бойы

Бүгін Астанадағы айтулы шара - ЭКСПО-2017 халықаралық мамандандырылған көрмесінің жабылу салтанаты өтеді, деп хабарлайды Baq.kz ақпарат агенттігі.

Осыған орай көрме кассалары таңғы 08:30-18:30 және 22:00-00:30 аралығында жұмыс істейді. Бүгін көрме павильондары түнгі сағат 3:00-ге дейін ашық болады. Бір ғана өзгешелік, ресми тұлғалардың келуіне байланысты көрме аймағы 19.00-ден 22.00-ге дейін, яғни көрменің ресми жабылу салтанаты кезінде істемейді. Ал 22.00-де оңтүстік пен батыс жақтағы кіреберістер қайта ашылады. Амфитеатрдағы концерттік бағдарлама 18:00-20:00 және 21:00-23:10 аралығында ұйымдастырылады.

Көрменің мерекелік отшашу сағат 21.15-те басталады.

Мұнан бөлек көрменің мерекелік концерті кешкі сағат 22:30-де амфитеатрда басталады. Онда «Музарт» тобы, Марат Бисенғалиевтің симфониялық оркестрі, Альфия Кәрімова, Жәмилә Серкебаева мен «Отырар сазы» академиялық этнографиялық оркестрі, Майра Мұxамеджанова, «Астана Балет» театрының әртістері және тағы басқа қазақ эстрада жұлдыздары өз өнерлерін көрсетеді. Сонымен бірге әртістердің қатысуымен үлкен шоу ұйымдастырылады.

ЭКСПО-2017 халықаралық мамандандырылған көрмесінің жабылу салтанатына ИЫҰ саммитіне келген 80-нен астам елдің делегаттары қатысады деп күтілуде.