Қазақстан Республикасының Конституциясы күніне орай Шиелі аудандық соты "Нұр Отан" партиясы аудандық филиалымен бірлесіп мерекелік шара өткізді.  

Іс-шараға аудандық сот судьялары мен қызметкерлері, "Нұр Отан" партиясы аудандық филиал төрағасы П.Маханбет, кент әкімі аппараты, аудандық мәдениет бөлімінің өкілдері қатысты.

      Мерекелік шараны алғы сөзбен партия филиалының төрағасы П.Маханбет ашып, қатысушыларды мерекемен құттықтады.  

      Аудандық сот судьясы Ә.Түбекбаева "Ата Заңым-айбыным" тақырыбында баяндама жасап, қатысушыларға Қазақстан Республикасының Конституциясымен берілген кепілдіктер, басты заң аясында республика сот жүйесінде жүргізіліп жатқан реформалар жайлы айтып берді. Шараға қатысушылар Конституцияның маңыздылығы, оның талаптарының бұлжытпай орындалуы мәселелерін талқылады .

        Кездесу соңында судья Ә.Түбекбаева шараға қатысушыларды мерейлі мерекемен құттықтап, еліміздің дамуы жолында жасап жатқан еңбектеріне табыс тіледі.

        Шиелі аудандық сотының баспасөз қызметі