Сыр бойы

– Нұреке,  сауалды әріден бастасақ, үлкен отбасыдан шыққаныңызды аңға¬ра¬мын. Өйткені, көпшіл мінезіңіз соны дәріптейді...

– Дәл таптыңыз. Алты қыз, үш ұлдың сегізін¬шісімін. Әкем Мұзарапша  білікті экономика маманы және қаржыгер болатын. 1996 жылы өмірден өтті. Ер мінезділікке, отбасын аялауға тәрбиелеген ұлы ұстазымыз. Ал, анамыз Күлән қазір 85 жаста. Тоғыз перзенттің тік тұрып, елге қызмет жасауға дейінгі өнегені аяған емес. Соның жемісі болар, бүгінде «ұрпағымен мың жасаған», немере, шөбере сүйген әзиз әже атанды.

– Жалпы, есіктен кіріп, төр менікі деген ұғымға қарсымын. Тер төкпей, табыс болмайтынын жастайымыздан сезініп өстік. Ал, енді телевизия деген облыс үшін үлкен жаңалық еді. Жас болғасын соны меңгеруге ықыласым ауды. Ол кезде облыстық телеарна басшысы Әбдіжәлел Бәкіров болатын. Жарық беруші етіп жұмысқа қабылдады. Содан бел шешіп, кірісіп кеттік.

– Өмірдің өзі баспалдақ ғой, төменнен бастап, жоғарыға жылжи түсесің. Мен режиссер ассистенті, студия операторы, жедел жылжымалы оператор секілді сатылы өткелден өттім. 2000 жылы аға оператор лауазымына көтерілдім.

Оператор камераның иесі ғана емес, ол бейнесюжеттің маңыздылығына жауапты тұлға. Ол тапқыр, не  шебер болмаса істің бәрі бекер. Сондықтан жаңадан жұмысқа келген маманды тәжірибелік сынақтан өткіземіз. Бұл мәселеде «Қазақстан-Қызылорда» ар¬на¬сында жақсы мектеп қалыптасқан. Қазір біздің шәкірттеріміз республикалық теле¬арналардың мақтаныштарына айналды.

– Дұрыс ой. Жақсыны үйренбесе, жылт еткен жаңалықты меңгеруге талпынбаса, ондай кісінің кәсіби деңгейі өспейді. Сол себепті білмегенін үйретіп, жаңа технологияны игеру мақсаттарын жүктеп отырамыз.

– Өзіңіз білесіз, бірнеше басшымен қыз¬меттес болдым. Телеарнаны құрған Жақсылық Бекқожаевпен түрлі тақырыпта хабарлар жасадық. Өте кең адам еді. Одан кейінгі Ә.Бәкіров, С.Пірназаров, О.Әлжік, А.Шәріп, Ж.Қарабалаевтың өз басқару үлгісі бар, олардың жол көрсеткен үлкендік мектебі бізге тәрбие ошағы.

– Бұл сенім. Режиссердің міндеті өте маңызды. Бізде апамыз Несібелі Рахмет «телевизия – синтездік өнер» дейтін. Шынында журналист хабарына қаншама өнерді қолдауы қосылады. Оператордың тартымды сюжеті, оның тақадай монтажы, дыбыс режиссерінің әнмен әрлеуі секілді бірнеше өнер бір қазанда қайнап, өнімі жинақталады. Қазір Гүлсара, Жеңіс, Жансая, Мұрат, ¬Самат, Гүлназ сынды әріптестерім бар.

– Ия сөзіңіздің жаны бар.  Тәулігіне 14 сағат хабар таратуда көрермен үшін көңілге қонымды хабар ұсыну – біздің борыш. Мысалы, «Жыр керуен», «Сыр жұлдыздары», «Ботақан» жобалары көптің көңілінен шыққаны үшін марқаямыз.

– Енді қызметте маманбыз, үйде әкеміз. Балалардың алды Нұрсұлтан төтенше жағ¬дайлар саласында қызмет істейді. Екінші ұл Дәулет оныншы сыныпты тауысты. Ал, сүт кенжеміз Айнара болса, бір жастағы қылықты, сүйкімді қызымыз.

– Әрине, түздің адамы екеніміз рас. Жұбайым Ақгүлге сеніп кеткенбіз. Ол кісі мектеп директоры бола тұрып, қарапайым ана екенін ұмытқан емес. Отбасылық сыйластық, түсінік деген осы шығар.

– Мұхаммед пайғамбар «адамның ең жақсысы көпке пайда тигізген кісі» деген екен. Адам руханияттан жұтамау керек. Біздің елге тигізген пайдамыз – тағылымды ой айтып, рухани дем беруге тырысамыз. Жалпы, шығармашылық шыңы шеберлік ғой, осы бағытта елге қызмет ете береміз.