| « Қараша 2024 » | ||||||
|---|---|---|---|---|---|---|
| Дс | Сс | Ср | Бс | Жм | Сб | Жс |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | |
Қазақтың мәдениетін алты тілде сөйлету керек - Назарбаев
Президент Нұрсұлтан Назарбаев «Жаһандағы заманауи қазақстандық мәдениет» жобасын іске асыруды ұсынды, деп хабардайды ҚазАқпарат тілшісі Мемлекет басшысының «Егемен Қазақстан» газетіне шыққан мақаласына сілтеме жасап.«АҚШ-тың «қырғи-қабақ соғыс» кезіндегі табысының қомақты бөлігі Голливудтың еншісінде. Біз ХХІ ғасырдың жаһандық картасында ешкімге ұқсамайтын, дербес орны бар ұлт боламыз десек, «Жаһандағы заманауи қазақстандық мәдениет» жобасын іске асыруға тиіспіз. Әлем бізді қара алтынмен немесе сыртқы саясаттағы ірі бастамаларымызбен ғана емес, мәдени жетістіктерімізбен де тануы керек. Бұл жоба нені көздейді? Бірінші, отандық мәдениет БҰҰ-ның алты тілі - ағылшын, орыс, қытай, испан, араб және француз тілдерінде сөйлеуі үшін мақсатты ұстаным болуы шарт. Екінші, ол бүгінгі қазақстандықтар жасаған және жасап жатқан заманауи мәдениет болуға тиіс», - деп жазды Президент.
Мемлекет басшысының ойынша, мәдени қазыналарымызды әлем жұртшылығына таныстырудың мүлдем жаңа тәсілдерін ойластыру керек. Мәдени өнімдеріміз тек кітап түрінде емес, әртүрлі мультимедиалық тәсілдермен де шыққаны абзал. Бұл - ұлттық мәденитімізді кеңінен танытудың үшінші жолы. Төртіншіден, аталған бастамаларға ауқымды мемлекеттік қолдау жасалуы қажет. «Сыртқы істер, Мәдениет және спорт, Ақпарат және коммуникациялар министрліктері жүйелі түрде, қоян-қолтық жұмыс істеуі керек. Бесінші, бұл жұмыста шығармашылық зиялы қауым, оның ішінде Жазушылар одағы мен Ғылым академиясы, университеттер мен қоғамдық ұйымдар үлкен рөл атқаруға тиіс. Біз заманауи мәдениетіміздің қандай өкілдері әлемдік аренаға жол тартуы керектігін анықтап алуымыз керек. Ұлттық мәдениетіміздің озық үлгілерін іріктеп алғаннан кейін шетелдерде оларды таныстыру рәсімдерін өткіземіз», - деп атап көрсетті Назарбаев.
Президент ағымдағы жылда жер жүзіне мәдениет саласындағы жетістіктерімізді айқындап алу қажет деп санайды. Содан соң бірегей бағдарламаны 5-7 жылда тыңғылықты жүзеге асырған жөн. «Осылайша, мың жылдық тарихымызда төл мәдениетіміз тұңғыш рет әлемнің барлық құрлықтарына жол тартып, басты тілдерінде сөйлейтін болады», - дейді Елбасы.
Едел-Жедел
12 мамыр 2020 г.
2 104
0
12 мамыр 2020 г.
1 927
0
12 мамыр 2020 г.
1 615
0
12 мамыр 2020 г.
1 768
0
12 мамыр 2020 г.
1 888
0
12 мамыр 2020 г.
1 628
0
12 мамыр 2020 г.
2 101
0
12 мамыр 2020 г.
1 668
0
12 мамыр 2020 г.
1 655
0
12 мамыр 2020 г.
1 769
0
Күнтізбе
© 2019. Құқығымыз толыққанды қорғалған. Материалдарды пайдаланған жағдайда сайтқа және авторға сілтеме жасау міндетті.
Меншік иесі: «Сыр медиа» жауапкершілігі шектеулі серіктестігі.
Облыстық «Сыр бойы» газеті редакциясы.