Сыр бойы

Сенбі күні Қазақстан Республикасының Тұңғыш Президенті Н.Назарбаев атындағы саябақта "Руханият және дәстүр” айлығы аясында "Рухани келісім – бейбітшілік пен тұрақтылық кепілі” атауымен ағаш отырғызу рәсімі болып өтті. Облыстық дін істері басқармасының қолдауымен өткізілген шараға аймақтағы діни бірлестік жетекшілері қатысты.

Ағаш отырғызуға 130-дан астам көшет дайындалып діни бірлестік жетекшілері, мешіт имамдары, мешіт жамағаттары, зиялы қауым өкілдері барлығы 60 адам атсалысты.

Елбасымыз айтқандай: «Үдеудің бірі бірлікте, жүдеудің бірі алауыздықта» дегендей, барша жиналған қала тұрғындары бірлікпен ұйымшылдық танытты. "Атаңнан мал қалғанша – тал қалсын” ұранын ұстанушы еріктілер аталған шарада белсенділік көрсетті.

Дүниетанымымызға тән тарихымыздан тағылым алған салт-дәcтүрімізді жаңғырту және дін саясатының тұрақтылығын сақтай отырып, түрлі діни бірлестіктер өкілдерінің мемлекетіміздің өркендеу жолында ымыра мен ынтымақта болуы аталмыш шараның басты мақсаты саналады.