Сыр бойы

Қазақстан Республикасының Президенті Н.Ә.Назарбаевтың «Қазақстан-2050» Страте­гия­сы қалыптасқан мемлекеттің жаңа сая­си бағыты» атты Қазақстан халқына Жол­дауында Парламентке 4 жаңа кодексті: Қыл­мыстық-іс жүргізу, Қылмыстық, Қылмыс­тық-орындаушылық және Әкімшілік құқық-бұзушылық туралы кодексті әзірлеп, енгізу керек, – деген болатын.

2014 жылғы 5 шілдедегі ҚР ӘҚБт ко­дек­сі 694-бабының Әділет органдары ту­ралы бө­­лімінде осы кодекстің 230 (екінші бөлі­гінде) (бұл бұзушылықтарды жекеше нота­риустар жасаған кезде), 457, 459, 460, 466, 468, 491-баптарында көзделген әкімшілік құ­қық бұзушылық туралы істерді қарайтыны көрсетілген.

Әкімшілік құқық бұзушылық туралы іс­терді қарауға және әкімшілік жазалар қол­дануға зияткерлік меншік құқықтары, нор­мативтік құқықтық актілерді, жылжымайтын мүлікке құқықтарды мемлекеттік тіркеу са­ласындағы уәкілетті органның басшысы мен оның орынбасарлары, облыстық, Астана және Алматы қалалары әділет органдарының басшысы мен олардың орынбасарлары құқы­лы, – делінген.

Жаңа кодексте зияткерлік меншік құ­қы­ғы саласы бойынша, 2001 жылғы 30 қаң­тар­дағы ҚР Әкімшілік құқық бұзушылық туралы кодекстің 128, 129-баптары алынып тасталынған. Ал, 145-бап ҚР ӘҚБтК-тің 2014 жылғы 5 шілдедегі басылымында 158-бап, «Бөтен тауар белгісін, қызмет көрсету бел­гісін, тауар шығарылған жердің атауын немесе фирмалық атауды заңсыз пайдалану» деген баппен ауыстырылған. Әділет органдары ко­декстің 158-бабы бойынша ғана әкімшілік құ­қық бұзушылық туралы іс-материалдарын қозғау қарастырылған.

Зияткерлік меншік саласы бойынша 2014 жылғы 3 шілдедегі ҚР Қылмыстық ко­­дексінің 198-бап, «Авторлық және са­бақ­­тас құқықтарды бұзу», 199-бап, «Өнер­та­быс­тарға, пайдалы модельдерге, өнер­кәсiптiк үл­­гi­лерге, селекциялық жетiс­тiк­терге, ин­те­­гралдық микросхемалар тополо­гия­ла­ры­на құқықтарды бұзу», 222-бап, «Тауар бел­гісін заңсыз пайдалану» баптары болып қалып­тастырылған.

Қазіргі таңда, облыстық әділет органдары зияткерлік меншік саласы бойынша кей­бір әкімшілік құқық бұзушылықтар құрам­дарының қылмыстық теріс қылықтары саты­сына аударылуына байланысты құқық қорғау органдарымен жыл аяғына дейін құқықтық түсіндіру жұмыстары, яғни семинарлар, дөңге­лек үстелдер өткізу, жергілікті газет­тер­ге мақалалар жариялау жұмыстарын жүр­гізуде.

Аталған кодекс 2015 жылдың 1 қаңта­рынан бастап күшіне енеді.

Парасат ӘШІРБЕК,

облыстық әділет департаментінің инспекторы.