Сыр бойы

Саяжай маусымының басталуымен біз жыл сайын өрттің және судағы қайғылы жағдайлардың өсуін байқаймыз. Мұндай жағдайлар азаматтардың үй жанындағы аймақты құрғақ шөптен, қоқыстан тазалаған кезде қарапайым өрт қауіпсіздігін және шомылған кезде судағы қауіпсіздік ережелерін сақтамауына байланысты болады. Сонымен қатар Қызылорда облысы ТЖД қызметкерлері демалыс күндері саяжай иелеріне түсіндірме жұмыстары жүргізілуде.

Мангал мен грильді қолдану кезінде өртті болдырмау үшін нені ескеру керек:

- мангал орнын бір өрт сөндіргішпен немесе 10 литрден кем емес мөлшерде суы бар сыйымдылықпен жабдықтау және мангалдан ғимараттарға дейінгі ара-қашықтық 10 метрден кем емес болуы тиіс.

Мангалды орнатуға тыйым салынады:

- ағаштың астында;

- жанатын материалдардан жасалған бастырмалардың астында;

- тұрғын жайларда, сонымен қатар, балкондар мен лоджияларда, шаруашылық құрылыстарда, көлікжайларда, шатырларда.

Жалынды қараусыз қалдыруға болмайды. Тамақ дайындаудан соң жалынды толығымен бықсу басылғанға дейін су құю қажет.

Су айдынында демалғанда не білу қажет:

- рұқсат етілген және арнайы жабдықталған жерлерде шомылыңыз;

- жағадан алыс жүзіп кетпеңіз, егер жүзуді білмесеңіз, белден жоғары суға түспеңіз;

- шомылу кезінде бір-біріңе бас-көз болыңыз, балаларды ересектердің қарауынсыз қалдырмаңыз;

- мас күйінде шомылмаңыз;

- тойып тамақ ішіп, шомылмаңыз, тамақтанғаннан кейін кем деген де бір сағаттан соң суға шомылуға болады;

- Өзіңе және өзгеге көмек көрсете біліңіз.

Есіңізде болсын! Әрбір адамға ең қымбаты –  өмір екендігін ұмытпаңыз. Өзіңізді және жақын адамдарыңызды сақтаңыз!