Сыр бойы

Қазақстан Тәуелсіздік алғаннан кейін мемлекет мүлкін жекешелендіру үрдісі бірнеше кезеңнен өтті. Қазір ол өзінің ең шешуші кезеңіне қадам басты. Сонымен мемлекет мүлкін бақылаудың, оны тиімді пайдаланудың бүгінгі жай-күйі қалай? Газет тілшісінің сауалдарына Қызылорда мемлекеттік мүлік және жекешелендіру департаментінің басшысы Серікжан Қалиев жауап береді.

– Қазақстан Республикасы Қаржы ми­нистрлігі Мемлекеттік мүлік және же­кешелендіру комитетінің бұйрық­та­рымен бекітілген іс-шаралар Жос­па­рына сәйкес департаментке Қар­жы министрлігі бөлімшелерінің теңгері­міндегі ғимараттар мен жайларды жер учас­келерімен бірге алыс-берісті жү­зеге асыру тапсырылған болатын, – деді біздің сауалымызға орай Серік­жан Ыдырысұлы. – Бұл жұмыстар Қы­зылорда департаментімен толықтай аяқталды. Жалпы сомасы шамамен 500,0 млн теңге болатын 19 әкімшілік ғимарат және 15 көмекші нысан қа­былданды.

Сонымен қатар Қаржы министрлігі бөлімшелерінің теңгеріміндегі жалпы сомасы шамамен 45,0 млн болатын 18 автокөлік құрал-жабдықтарының алыс-берісі жүзеге асырылды. Қызыл­орда мемлекеттік мүлік және жеке­шелендіру департаментінің теңгеріміне қабылданған барлық жылжымайтын мүліктер мен автокөлік құрал-жаб­дық­тары сәйкесінше тіркеу органдарына тіркелді.

Ғимараттар мен автокөлік құрал-жабдықтарын ұстап тұруға және қыз­мет көрсету үшін департамент 108 штат­тан тыс жұмыскерді қабылдады.

Сонымен бірге, «Бірыңғай теңгерім ұстаушы» жобасын жүзеге асыру шең­берінде Қазынашылық және мем­ле­кеттік кіріс департаменттерінің ау­­­мақ­тық бөлімшелерін оңтайлы ор­на­­ластыру қарастырылды. Қазына­шы­­лық және мемлекеттік кіріс де­пар­та­менттерімен бірігіп департамент басшыларымен қол қойылған қа­зы­нашылық және мемлекеттік кі­ріс департаменттерінің аудандық бөлім­шелерінің қызметкерлерін кезең-ке­зеңімен жаңа орындарға орналастыру бойынша іс-шаралар жоспары жасалды. Қазіргі уақытта Қызылорда облысында қазынашылық және мемлекеттік кіріс департаменттерінің аумақтық бө­лімшелерін оңтайлы орналастыру жұ­мыстары аяқталды.

Үстіміздегі жылдың бірінші жар­ты­жылдығында департамент Қызыл­орда облысы бойынша мемле­кеттік кі­рістер департаментінің әкімшілік ғи­маратының келбетіне 986,0 мың тең­генің ағымдағы жөндеу жұмыс­та­рын және 1779,0 мың теңгеге түн­гі жарықтандыруды монтаждау  жұмыс­тарын жүргізді.

Әкімшілік ғимараттарда мүмкіндігі шектеулі тұлғаларға қолайлы жағдай жасау және кедергісіз жүріп тұру үшін облыс орталығында және аудандарда пандустар мен тактильді плиткалар орнату бойынша жұмыстар жүргізілді. Аталған жұмыстарға 2 409,0 мың теңге жұмсалды.

«Бірыңғай теңгерім ұстаушы» жобасын жүзеге асыру шеңбері кезеңінде Қазынашылық департаментінің аумақ­тық бөлімшелерінің және Жалағаш ау­дандық мемлекеттік кірістер басқар­масының 6 автокөлік құрал-жаб­дық­та­рына ауыстыру жұмыстары жүргізілді.

Жылу маусымында мемлекеттік кі­­рістер және қазынашылық департа­менттерінің аумақтық бөлімшелерін дизельді отынмен уақытылы қамта­масыз ету үшін жекелеген негіздер бойынша (конфискат) республикалық меншік құрамына берілген 5 410,2 мың теңге болатын 49693 литр дизельді отын департамент теңгеріміне алынды. Сонымен бірге, департамент мем­лекеттік мүлікті мемлекеттік меншіктің бір түрінен екіншісіне беру жөніндегі жұмыстарды да атқарды.

Департамент республикалық мем­лекеттік ұйымдардың активтерін тең­герімнен теңгерімге беруді жүзеге асырды. Қазақстан Республикасы мем­лекеттік қызмет істері және сыбай­лас жемқорлыққа қарсы іс-қимыл агент­тігінің Қызылорда облысы бойынша департаментімен бірігіп, мемлекеттік органдардың аумақтық бөлімшелерінің алып отырған алаңдарына түгендеу жұмыстары жүргізілді.

Облыс бойынша барлығы 99 ау­мақтық бөлімшелерге түгендеу жұ­мыстарын жүргізу жатқызылған болатын. Жоспарлаған мемлекеттік ор­ган­дардың аумақтық бөлімшелерінің бар­лығына түгендеу жұмыстары жүр­гізілді.

Түгендеу жұмыстары барысын­да 2,0 мың шаршы метр артық немесе пайдаланылмай тұрған алаңдар Арал, Сырдария, Жалағаш аудандық қоғам­дық денсаулық сақтау басқар­ма­ларында, Қызылорда облысы әді­лет департаментінде, Қармақшы аудан­дық әділет басқармасында, Қызыл­орда облысының төтенше жағдай­лар де­партаментінде, сыбайлас жемқор­лыққа қарсы іс-қимыл  Ұлттық бюросының (сыбайлас жемқорлыққа қарсы қыз­мет) Қызылорда облысы бойынша де­партаментінде анықталды.

Қазіргі уақытта департамент анық­талған  артық алаңдарға басқа мемле­кеттік заңды тұлғаларды орналастыру және мемлекеттік мүлікті мүліктік жалдауға беру немесе коммуналдық мен­шікке беру бойынша жұмыстар жүр­гізуде.

Департаментте Қазақстан Респуб­ликасы Қаржы министрлігінің Мемле­кеттік мүлік және жекешелендіру ко­митетінің республикалық бөлімшелері бойынша «Мүлікті жалға беру келісім-шарттарының Тізілімін» қамтамасыз ету бағдарламасы белсенді жұмыс ат­қа­руда. Бұл код сәйкестігі бойынша аймағы мен ұйымның атауын анықтай отырып теңгерім ұстаушыны іздеуге, оның ұйымдастыру-құқықтық формасын және статусын белгілеуге, сонымен қатар республикалық меншіктегі мүліктерді жалға беруден бюджетке түсетін түсімдер туралы ақпараттар алуға мүмкіндік береді.Бұл бағдарлама жалға алушыларды бюджетке аудару үшін қажетті төлемдер туралы ақпараттар алуды автоматты түрде хабардар етіп отыруды қамтамасыз етеді.

Сонымен бірге, мемлекеттік мен­шік­ті сауда-саттыққа шығару жүйесі автоматтандырылды. Қазіргі уақытта департамент тек электрондық сауданы жүзеге асырады. Комиссияның ше­шімі негізінде сатушы объектіні сату туралы «электрондық аукционға» сату мерзімін, сату объектісінің атау­ын көрсете отырып ақпарат бере­ді.  «Электронды мәліметте» сату объек­тісінің фотосуреттері мен құқықтық құжаттарының электрондық (сканерленген) көшірмелері, бағалау туралы есебімен қоса объектінің нақты ба­ғасы туралы ақпараттарды қамтиды. Әрі қарайғы жұмыстар барлығы компьютермен орындалады. Бұл веб-пор­тал арқылы аукционға қатысу қағаз түріндегі құжаттарды куәландырудан құтылуды қамтамасыз ету үшін қа­жет. Сол үшін мемлекеттік тізілім веб-порталы көптеген мемлекеттік ақ­па­раттық деректер базасымен бірікті­рілген.

Бізде Қызылорда облысы бойынша кәсіпкерлер палатасы, «АЕО» АҚ қызметкерлерінің қатысуымен, сонымен қатар БАҚ өкілдерін тартумен семинар-кеңестер өткізіп, мемлекеттік мүлікті тиімді пайдаланудың жай-жапсары әрдайым түсіндіріліп отырылады.