Жаңа номер

Сыр бойы

syrboyi@yandex.kz

+7 (7242) 40-02-17

Қазақстанда ең төменгі күнкөріс деңгейі жоғарылады

Ең төменгі тұтыну себетінің 18,7%-ы - ет пен балық өнімдерін сатып алуға кететін шығыстардың үлесі.

Орта есеппен халықтың жан басына шаққандағы ең төмен күнкөріс деңгейінің шамасы 2018 жылғы қазанда 2017 жылғы желтоқсанмен салыстырғанда 11,8%-ға жоғарылады. Бұл туралы ҚР Ұлттық экономика министрлігінің баспасөз қызметі хабарлады.

Ең төменгі күнкөріс деңгейі құрылымында ет пен балықты сатып алуға жұмсалған шығыстардың үлесі – 18,7%, сүт, тоңмай өнімдері мен жұмыртқаны сатып алу шығыстары – 14,6%, жеміс пен көкөніс сатып алу шығыстары – 12,7%, нан және жарма өнімдерін сатып алу шығыстары – 6,9%, қант, шай және дәмдеуіштерді сатып алу шығыстары 2,1% болды.

	Орта есеппен халықтың жан басына шаққанда	0-13 жастағы балалар	14-17 жастағы жасөспірімдер		18 жастан асқан, еңбекке қабілетті халық		Зейнет-керлер мен қарт адамдар
	Орта есеппен халықтың жан басына шаққанда	0-13 жастағы балалар	жас жігіттер	қыздар	ерлер	әйелдер	Зейнет-керлер мен қарт адамдар
Ең төмен күнкөріс деңгейінің шамасы	28 620	25 237	35 692	27 349	33 600	26 656	26 496
Азық-түлік тауарлары	15 741	13 881	19 630	15 042	18 480	14 661	14 573
Азық-түлік емес тауарлар мен көрсетілетін қызметтер	12 879	11 356	16 062	12 307	15 120	11 995	11 923

ҚР ҰЭМ

Ең төмен күнкөріс деңгейі – шамасы бойынша ең төменгі тұтыну себетiнiң құнына тең, бір адамға арналған ең төмен ақшалай кiрiс. Ең төменгі тұтыну себетi адамның тыныс-тіршілігін қамтамасыз ету үшін қажетті тамақ өнімдерінің, тауарлар мен көрсетілетін қызметтердің заттай және құн түріндегі ең төмен жинағын білдіреді. Ол азық-түлік себетінен және азық-түлік емес тауарлар мен көрсетілетін қызметтерге жұмсалатын шығыстардың тіркелген үлесінен тұрады. Ең төмен күнкөріс деңгейін есептеуге арналған аз тұтынылатын азық-түлік емес тауарлар мен көрсетілетін қызметтерге жұмсалатын шығыстардың үлесі 2018 жылғы 1 қаңтардан бастап ең төменгі тұтыну себеті құнының 45%-дық мөлшерінде белгіленген.