Сәкен Жасұзақов Ұлттық қорғаныс университетіне басшы болды
Сәкен Жасұзақовқа, Нұрлан Ермекбаевқа және Асхат Рыспаевқа қатысты өкімдер Ақорда сайтында жарияланды.
Мемлекет басшысының өкімімен Сәкен Жасұзақов Қазақстан Республикасының Тұңғыш Президенті – Елбасы атындағы Ұлттық қорғаныс университетінің бастығы қызметіне тағайындалды. Тиісті өкім Ақорда сайтында жарияланды.
Президенттің жарлығымен Сәкен Жасұзақов басқа жұмысқа ауысуына байланысты Қорғаныс министрі қызметінен босатылды.
Ақорда сайтында Ұлттық қорғаныс университетінің бұрынғы басшысына қатысты өкім де жарияланды.
“Мемлекет басшысының өкімімен Асхат Наурызбайұлы Рыспаев Қазақстан Республикасының Тұңғыш Президенті – Елбасы атындағы Ұлттық қорғаныс университетінің бастығы қызметінен босатылды”, – делінген хабарламада.
Бұған дейін Қорғаныс министрі болыпНұрлан Ермекбаевтағайындалғанын хабарлаған едік.
Сәкен Жасұзақовқа, Нұрлан Ермекбаевқа және Асхат Рыспаевқа қатысты өкімдер Ақорда сайтында жарияланды.