Сыр бойы

Елбасының жыл сайынғы Жолдауы – еліміз үшін маңызды саяси оқиғалардың бірі. Бұл Жолдаудың ерекшелігі, төртінші өндірістік революция әлеміне бейімделу үшін қандай шараларды жүзеге асыру қажеттігін айқындап берді.

Мемлекет басшысы ел­ дамуы­ның 10 негізгі ба­сым­ды­лығының тоғы­зын­шы міндетінде «Жемқор­лық­пен күрес және заңның үстемдігі» туралы баса айтты. «Жемқорлықтың алдын алуға бағытталған күрес жалғаса бере­ді. Көп жұмыс істеліп жатыр. Соңғы 3 жылда ғана жоғары лауа­зымды шенеуніктер мен мемлекеттік компаниялардың бас­­шыларын қоса алғанда, жем­қорлық үшін 2,5 мыңнан астам адам сотталды. Осы уақыт ішін­де олардың 17 миллиард теңге көлемінде келтірген залалы өтелді»,  делінген Жолдауда.

Елімізде жемқорлыққа қарсы іс-қимыл бойынша тиімді және айқын мақсатқа бағытталған жұ­мыс жүргізілуде. Жемқорлық жоқ елде кез келген жұмыс жақсы жүреді. Жемқорлықпен күрес және заңның үстемдігі бағыты бойынша мемлекеттік органдар жемқорлықпен күресті күшейту керек. Осы орайда, ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің Қызылорда облысы бойынша департаменті Сыбайлас жемқорлыққа қарсы іс-қимыл туралы Заңның басым бағыттарын түсіндіру және 2015-2025 жылдарға арналған сыбайлас жемқорлыққа қарсы стратегияны жүзеге асыру мақ­сатында облыстың барлық мақ­сат­ты тобын қамтыған 1300-ден астам іс-шара кешенін ұйымдастырды.

Қоғамды жемқорлыққа қарсы күреске тартуға, жемқорлыққа қарсы іс-қимылда мемлекет пен қоғамның күшін біріктіруге бағытталған «Парасыз болашақ­қа. Бірге!» жобасы аясында 325 еңбек ұжымымен кездесу, 116 қоғамдық қабылдау өткізілді. «Есіктен есікке» акциясы аясында жемқорлыққа қарсы бағытта 1,1 миллионнан астам парақша мен жадынама таратылды, Қызылорда қаласы мен аудан­дардағы елді мекендерде 136 баннер орналастырылды. Жас­тар арасында сыбайлас жем­қор­лыққа деген «мүлдем төз­­беушілік» көзқарасты қалып­тастыру мақсатында мектептерде «Адал ұрпақ» ерікті оқушылар клубтары құрылып, оған мүше оқушылардың саны 10 мыңға жетті. Өткен жылы осы клубтар 2 мыңнан астам шара ұйымдастырды.

Жемқорлық тәуекелдерін азай­ту жағдайы ретінде мемлекет­тік қызмет көрсетудің электронды үлгісіне өту өзекті мәселе болып қала береді. Мемлекет басшысы елді цифрландыру үдерісі кезінде барлық салада жоғары дамуға қол жететінін айтты. «Мемлекеттік органдардағы процестерді, соның ішінде олардың халықпен және бизнеспен қарым-қатынасын цифр­ландыру маңызды болып саналады. Атап айтқанда, азамат­тар өз өтініштерінің қалай қарас­тырылып жатқанын көріп, дер кезінде сапалы жауап алуға тиіс», – деді. Бұл тәртіптің, заң талаптарының орындалуының арқасында қызмет көрсету сапасы артады.

2017 жылы облыстың орталық және жергілікті атқарушы орган­дары 4173466 мемлекеттік қыз­мет көрсеткен. Оның 40% немесе 1 миллион 300 мыңнан астамы электронды форматта. Былтыр электронды қызметтер үлесін арттыруға бағытталған нәтижелі жұмыстарға қол жет­кіздік. Мысалы, бұл көрсет­кіш 2016 жылы 12 % болса, 2017 жылы ол 40 % құрап, 2,7 есе көбейді. Ал мемлекеттік орган тікелей өзі қағаз жүзінде көрсететін қызметтер саны 25% төмендеді. 2018 жылы аталған қызметтер үлесін 50% жеткізу жоспары бар.

Мемлекеттік қызметтер сапа­сын арттыру және электронды қызмет алуды насихаттау мақса­тында мемлекеттік орган қызметкерлеріне арнап 154 түсіндірмелік іс-шара өткізілді. Шалғайдағы елді мекен тұрғын­дарына электронды мемлекеттік қызметтерді насихаттау мақса­тында мемлекеттік қызметтердің 2 жәрмеңкесі ұйымдастырылды. Шараға халықтың сұранысы жоғары жер, тұрғын үй, әлеу­меттік, құрылыс, білім, көші-қон, әділет, салық салалары бойынша мемлекеттік көрсетілетін қызмет­тер насихатталып, 300-ге жуық қызмет алушыға кеңестер мен қызметтер көрсетілді.

Басым бағыттардың бірі – тиімді мемлекеттік басқару, оның аясында мемлекеттік қызмет­шілердің жалақысын факторлық-балдық шкалаға негізделген жаңа жүйе арқылы төлеу. Соның нәтижелеріне қарай жалақыны көбейту, «100 нақты қадам» Ұлт жоспары бағдарламасында қарастырылған еңбекақы өтеу жүйесіне өту. Бұл орталық пен өңірлердегі мемлекеттік қызметшілер жалақысының дис­про­порциясын қысқартады. Сондай-ақ, мемлекеттік орган­ның стратегиялық мақсат-міндеттеріне қол жеткізуге қосатын үлесі мен талап етілетін құзыреттілігіне тәуелді түрде әділ еңбекақы төлемін орнатады.

Мемлекеттік аппараттың жұ­мыс істеу тиімділігін арт­тыру мақсатында биылдан бастап агенттік пен Әділет минист­рлігінде, Астана қаласы мен Маңғыстау облысы әкім­діктерінде жүйені енгізу бойын­ша пилоттық жобалар жүзеге асырылады. Департамент әрі қарай кәсіби мемлекеттік аппа­рат­ты қалыптастыру, мемлекеттік қызметтер сапасын арттыру, жемқорлықтың алдын алу жұмысын жалғастырады.

Бұл жыл – біз үшін де айрықша жыл. Себебі, біз атқарып жатқан қызметімізге жаңа механизмдер мен формалар енгізбекпіз.