Сыр бойы

Партияның облыстық филиалында жетек­ші ұйымның жылдық жұмыстары бойынша брифинг өтті.

Нұротандықтар есеп берді

Брифингте «Нұр Отан» партиясы облыстық филиалы төрағасының бірінші орынбасары Ибадулла Құттықожаев партия төрағасы, Елбасы Нұрсұлтан Назарбаевтың «Нұр Отан» партиясының Саяси Кеңесі отырысында партияның жаңғырту бағытындағы жұмыстарына тоқталып өтті. Облыстық партия филиалы жанындағы «Жас Отан» ЖҚ облыстық филиалының төрағасы Абылайхан Сабанбаев жасотандықтардың атқарған жұмыстарын кеңінен баяндады.

Жобалар жемісі

«Нұр Отан» партиясы Арал аудандық филиалының ұйымдастыруымен Жаңа жыл мерекесі қарсаңында «Кедергісіз келешек» және «Бақытты отбасы – бақытты балалық шақ» партиялық жобалары аясында мүмкіндігі шектеулі балаларға жаңажылдық сыйлықтар табыс етілді.

Әрбір бала партияның назарынан тыс қалған емес. Сол себепті мүмкіндігі шектеулі балаларға шаттық сыйлау мақсатында аталған іс-шара ұйымдастырылды. Аудандық филиал қызметкерлері 18 бүлдіршінге тәттілерге толы сыйлық табыстады. Осындай жәрдемге риза болған отбасылар алғыстарын айтып, ризашылықтарын білдірді.

Кәсіп ауылдан басталады

«Нұр Отан» партиясы Жаңақорған аудандық филиалының саяси бюро кеңесі және Саяси кеңесінің отырысы өтті. Оған аудандық мәслихаттағы «Нұр Отан» партиясы фракциясының депутаттары, сала басшылары, қоғамдық ұйым төрағалары және белсенді жастар қатысты.

Алдымен бюрода ауыл шаруашылығы саласындағы жұмыстар сараланып, кәсіпкерлікті дамытудың тетігі талқыланды. Ауыл шаруашылығы жұмыстары жайлы бөлім басшысының міндетін атқарушы Тұрған Базарбаев баяндады.

Саяси бюро мүшесі Мәжит Балқожаев пен Сәулебек Ысқақов кәсіпкерлік кенжелеп қалған ауылдық округ тұрғындары «Бастау-Бизнес», «Бизнес-кеңесші» жобасына қатысуға мүмкіндік жасауды және несие алғандардың уақытылы қарызын қайтаруды қадағалау қажеттілігін ескертті.

Әке мәртебесі

Партияның Жалағаш аудандық филиалы және «Дарын» бастауыш партия ұйымына қарасты №201 мектеп-лицейінің ұйымдастыруымен «Шапағат» әкелер одағы мүшелерімен «Болашаққа бағдар: рухани жаңғыру» мақаласы аясында 5-8 желтоқсан аралығында апталықтың қорытындысы өткізілді.

№201 мектеп-лицей базасында білім ордасы оқушыларының әкелерін қоғамдық жұмыстарға белсене араласқаны үшін «Нұр Отан» партиясы облыстық партия филиалы төрағасының бірінші орынбасары И.Құттықожаев «Алғыс» хатпен, партияның аудандық филиал төрағасының бірінші орынбасары Қ.Мұстафаеваның және «Жас Отан» Жастар қанаты аудандық бөлімше филиал басшысы А.Абдрахмановтың Алғыс хаттарымен марапатталды. Сондай-ақ №201 мектеп-лицейінің директоры Т.Садықов «Мен және менің әкем» тақырыбында отбасылық эстафетаға қатысқан отбасыларына арнайы дипломдар табыстады.

Жаңа қоныспен құттықтады

Партияның «Теміржол» филиалының «Жол дистанциясы» БПҰ ұйымдастыруымен «Бақытты отбасы – бақытты балалық шақ» жобасы аясында 2016 жылы қыс қырауында өрт салдарынан отбасындағы 9 адам, оның алтауы кішкентай бала үйсіз қалған осы дистанциясының жол монтері, теміржолшы Абай Әбдраевтың жаңадан салынған үйіне барып, қонысымен құттықтады.

Партия филиалы мен «Жол дистанциясы» БПҰ басшылықтары салынған үйге барып, қуаныштарын бөлісіп, сыйлық табыстады.

Шынар БЕКБАН.