Сыр бойы

Қызылорда облысы бойынша 328 дәріхана мен дәрі сататын бекет бар. Оның 178-і қалада орналасқан. Бұл туралы Өңірлік коммуникациялар қызметінің ақпараттық алаңында Қызылорда облысының тауарлар мен көрсетілетін қызметтердің сапасы мен қауіпсіздігін бақылау дапартаментінің басшысы Ғалия Бәйменова мәлімдеді.

- Күнделікті жасалған мониторинг бойынша облысымызда 1 реттік пайдаланылатын 23 дана медициналық бетперде, көп реттік бетперде 8 мың дана, 10 мың метр дәке таңғыш, 1389 литр қорғаныш сұйықтығы және 220 мың резенке қолғап қоры бар,- деді Ғалия Әбсадыққызы.

Үстіміздегі жылдың 20 сәуірінен бастап шалғай елді мекендердегі тұрғындардың дәрілік заттарға сұранысын қанағаттандыру мақсатында "Еврофарм" жылжымалы дәрігерлік бекеті іске қосылды.

Дәрілік заттарға байланысты сауалдарыңыз болса, 8 (7242) 23-82-92 телефонына хабарласуға болады.