Сыр бойы

Қазақстан экономикасына елеулі үлес қосып жатқан көшбасшыларды анықтайтын жалпыұлттық республикалық Ұлттық бизнес-рейтингі (ҰБР) түзген тізімде «Жаңақорған аудандық жұмыспен қамту орталығы» коммуналдық мекемесі үздіктер қатарынан орын алды. 

Кешенді рейтингтік бағдарламасына сәйкес 2011-2012 жылдың қорытындысы бойынша республикадағы жұмыспен қамту қызмет түрлерімен айналысатын кәсіпорындардың, атап айтқанда Ұлттық бизнес-рейтингісі бойынша «ТОП-100» қатарынан көш бастаған Жаңақорған аудандық жұмыспен қамту және әлеуметтік бағдарламалар бөлімінің жұмыспен қамту орталығы мекемесі «Қазақстан-2013 көшбасшысы» деген дәрежеге ие болды. Яғни, экономикамыздағы көшбасшы кәсіпорындардың жалпымемлекеттік республикалық рейтинг бағдарламасы бойынша арнайы атаққа ие болды. 

Үздік деп танылған орталыққа «Сала көшбасшысы - 2013» ұлттық сертификаты мен медалі табыс етілсе, орталық басшысы Ақылбек Жанибеков «Қазақстан даңқы» орденін омырауына тақты. Сондай-ақ, орталық мамандары Самал Абдуллаева «Жыл маманы-2013» ұлттық сертификатына, Жаңабек Тұрлыбеков «Тиімділігі үшін» медаліне ие болды. 

Еске сала кетейік, Ұлттық бизнес-орталығы кешенді халықаралық рейтингтік жоба болып табылады. Ұйым ТМД мемлекеттері мен Кедендік одақта кәсіпорын қызметінің тиімділігіне баға беруші коммерциялық емес жалпымемлекеттік рейтинг ретінде кеңінен танымал.