Сыр бойы

«Өрлеу» БАҰО» АҚ филиалы облыс бойынша педагогикалық қызметкерлердің біліктілігін арттыру институтында аталмыш қоғам директорлар кеңесінің әрі «Мәңгілік ел жастары – индустрияға» мемлекеттік бағдарламасы Республикалық үйлестіру кеңесінің төрағасы Мұрат Әбеновпен кездесу өтті.

Кездесуді сөз сөйлеп ашқан инс­титут директоры Бауыржан Елеусінов біліктілікті арттыру бағытында атқа­рылып жатқан жұмыстарға тоқталып өткен соң мінберге көтерілген Мұрат Әбенов жүйенің даму келешегі, оның стратегиялық бағыттары турасында сөз қозғады.

Мұрат Абдуламитұлының айтуын­ша, ҚР Білім беруді дамытудың 2011-2020 жылдарға арналған мемлекеттік бағдарламасы аясында сапалы білім беруді қамтамасыз ету арқылы адами капиталды дамыту, білімнің бәсекеге қабілеттілігін арттыру бағытында жүй­елі жұмыстар жүргізілуде. Бағ­дар­ламаға сәйкес педагогтардың білік­тілігін арттыру осы мамандықтың мәр­тебесін көтерудің қуатты факторы бо­лып табылады.

Педагогтардың функционалдық сау­аттылығын ұштау сапалы білім бе­рудің кепілі десек, теорияны тәжірибеге ұштастыру арқылы оқушының зейінін арттыратын білім берудің соңғы жүйесі 2016 жылға дейін толық жү­зеге асуы тиіс. Функционалдық сау­ат­ты­лыққа қол жеткізу үшін оқу­лық­ты өзгертіп, оқушыны бағалау жүйе­сін жаңарту керек. Бұл ретте ұс­таз­дың да ойып алар орны ерекше. Елі­міз болашағы бәсекеге қабілетті өрен­дерге білім бе­ретін педагогтардың бі­ліктілігін арт­тыру, сондай-ақ білім жүйесін да­мыту заман талабы болса, қазіргі таң­да акционерлік қоғам филиал­да­рында 2012-2016 жылдарға арналған функционалдық біліктілікті арттыру бағдарламасы іске асырылуда.

Биылғы маусым айынан бері «Мәң­гілік ел жастары – индустрияға» бағ^­дар­ламасы бастау алғаны белгілі. Бұл Оң­түстік өңір жастарын Солтүстік, Батыс және Шығыс аймақтарда білім алуға бағыттайтын жоба. Осыған орай аталған аймақтардағы жеті жоғары оқу орындары мен 23 колледжде білім алу үшін мың-мыңнан арнайы грант бөлінді. Жобаның маңыздылығы сол жоғары білімді де білікті мамандар тапшылығын жою.

Бұдан әрі Мұрат Әбенов 15 қыр­күйектен бастап «Қазақстан – 2050» жалпыұлттық қозғалысының «Зият­кер ұрпақ» жобасы жұмыс жасап жат­қандығынан хабардар етті. Жобаның негізгі мақсаты – оқуда және қызметте белгілі бір жетістіктерге қол жеткізген білімді азаматтарды ау­ылдағы жас жеткіншектерге білім бе­ру ісіне тартып, тәжірибелерін бө­лі­суге шақыру. Жоба аясында қа­лада тұратын білімді тұлғалар өз қалауларымен ауыл мектептерінің 9-11 сынып оқушыларына қысқа мер­зімді сабақтар өткізеді. Курстың ұзақтығы мен тақырыбын дәріскер өзі анықтайды.

Шара барысында институттың ар­дагер ұстаздары Кенжебай Қалиев, Мах­муд Байжанов, Борис Қалназаров, Камаладдин Наурызбаев Мұрат Аб­дуламитұлына білім беру саласының өзекті мәселелері турасында сұрақтар қойып, пікір алмасты.

Бақтыбай БЕРДІБАЕВ.